ନୂଆଦିଲ୍ଲୀ : ଭାରତର ସିକିମରେ ଭୂକମ୍ପ ଅନୁଭୂତ ହୋଇଛି । ଯାହାର ତୀବ୍ରତା ୪.୧ ରହିଥିବା ଜଣାପଡିଛି । ଗତକାଲି ରାତିରେ ଭୂକମ୍ପ ଝଟକା ଅନୁଭୂତ ହୋଇଥିଲା ।
ସୂଚନାନୁଯାୟୀ, ମାଙ୍ଗାନ ଜିଲ୍ଲାରେ ଭୂକମ୍ପର କେନ୍ଦ୍ରସ୍ଥଳ ୧୪ କିଲୋମିଟର ଗଭୀରତା ଅନୁଭୂତ ହୋଇଥିଲା । ଗତକାଲି ରାତି ପ୍ରାୟ ୮ଟା ୪୧ ମିନିଟରେ ଭୂକମ୍ପ ଘଟିଥିଲା । ଏହି ଭୂକମ୍ପରେ କୌଣସି କ୍ଷୟକ୍ଷତି ଘଟିଥିବାର ସୂଚନା ନାହିଁ ବୋଲି ଅଧିକାରୀମାନେ କହିଛନ୍ତି । ଏଥିସହ ସେମାନେ ସ୍ଥାନୀୟ ବାସିନ୍ଦାମାନଙ୍କୁ ସତର୍କ ରହିବାକୁ ପରାମର୍ଶ ଦେଇଛନ୍ତି ।
ଗତ ଦୁଇ ଦିନ ପୂର୍ବରୁ ସିକିମରେ ଦୁଇଟି ଭୂକମ୍ପ ଅନୁଭୂତ ହୋଇଥିଲା । ଶୁକ୍ରବାର ସକାଳ ସମୟରେ ସିକିମରେ ଗାଙ୍ଗଟକରେ ଦୁଇଟି ଭୂକମ୍ପ ଅନୁଭୂତ ହୋଇଥିଲା । ଉଭୟ ଭୂକମ୍ପର ତୀବ୍ରତା ୩.୬ ଏବଂ ୨.୭ ରେକର୍ଡ କରାଯାଇଛି । 3.6 ତୀବ୍ରତାର ଭୂମିକମ୍ପ ସକାଳ ୪ଟା ୨୬ ମିନିଟରେ ଗାଙ୍ଗଟକରୁ ପ୍ରାୟ ୧୦.୭ କିଲୋମିଟର ଉତ୍ତର-ପଶ୍ଚିମରେ ୫ କିଲୋମିଟର ଗଭୀରତାରେ ହୋଇଥିଲା ବୋଲି NCS ସ୍ପଷ୍ଟ କରିଛି । ସେହିପରି ଦ୍ୱିତୀୟ ଭୂମିକମ୍ପ ସହରରୁ ୧୧.୨ କିଲୋମିଟର ପଶ୍ଚିମରେ ୧୦ କିଲୋମିଟର ଗଭୀରତାରେ ହୋଇଥିଲା । ଏହି ଭୂମିକମ୍ପରେ କୌଣସି କ୍ଷୟକ୍ଷତି କିମ୍ବା ସମ୍ପତ୍ତି କ୍ଷତିର ସୂଚନା ମିଳିନାହିଁ ।
