ଏକ ମର୍ମନ୍ତୁଦ ଦୁର୍ଘଟଣାରେ ଜୀବନ ହରାଇଲେ ତିନି ବାଇକ୍ ଆରୋହୀ। ଢେଙ୍କାନାଳ ଜିଲା ପରଜଙ୍ଗ ଥାନା ଅନ୍ତର୍ଗତ ଖାଇରାମୁଣ୍ଡା ଗ୍ରାମ ନିକଟ ଜାତୀୟ ରାଜପଥ-୫୩ ରେ ଏକ ବସ୍ ସେମାନଙ୍କ ଉପରେ ମାଡିଯିବାରୁ ତିନିଜଣଙ୍କର ମୃତ୍ୟୁ ଘଟିଛି। ମୃତକଙ୍କ ନାମ ସାଗର ପ୍ରଧାନ (୨୪), ସୁମନ୍ତ ପରିଡ଼ା(୫୫) ଏବଂ ନାଉପାଲକାଟେନି ଗାଁର ସୌମ୍ୟ ରଂଜନ ସାହୁ (୧୯) ବୋଲି ଜଣାପଡିଛି।
ଖବର ଅନୁଯାୟୀ, ଘର ନିର୍ମାଣ କାର୍ଯ୍ୟ ପାଇଁ ଏକ ମୋଟରସାଇକେଲରେ ତିନିଜଣ ଖାଇରାମୁଣ୍ଡା ଅଭିମୁଖେ ଯାଉଥିବାବେଳେ ଏହି ଦୁର୍ଘଟଣା ଘଟିଥିଲା। ବସ୍ ମୋଟରସାଇକେଲକୁ ଧକ୍କା ଦେବାରୁ ତିନିଜଣ ତଳେ ପଡିଯାଇଥିଲେ ଏହାପରେ ବସ୍ ସେମାନଙ୍କ ଉପରେ ମାଡି ଯାଇଥିଲା।
