ନଦୀ ଟାପୁରେ ଫସି ରହିଥିବା ୫ ଉଦ୍ଧାର

ସୁନ୍ଦରଗଡ଼ :ସୁନ୍ଦରଗଡ଼ ଜିଲ୍ଲା ସୀମାନ୍ତ ଛତିଶଗଡ଼ ରାଜ୍ୟ ତପକରା ଥାନା କତେଇବେରା ନିକଟ ଇବ୍ ଏବଂ ସାନ ନଦୀ ମଝି କପଟଦ୍ୱାର ଟାପୁରେ ତିନିଦିନ ତଳୁ ଫସି ରହିଥିବା ୫ ଜଣଙ୍କ ସମେତ ଛେଳି ପଲକୁ ଶନିବାର ଉଦ୍ଧାର କରାଯାଇଛି । ଏସ୍‌ଡିଆରଏଫ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କରିଥିଲେ । ତିନି ଦିନ ତଳେ ଜଣେ ମହିଳାଙ୍କ ସମେତ ୩ଜଣ ଛେଳି ଚରାଳି ଉକ୍ତ ଟାପୁକୁ ଛେଳି ଚରାଇବାକୁ ଯାଇଥିଲେ । ତେବେ ନଦୀରେ ହଠାତ ବନ୍ୟା ଯୋଗୁଁ ସମାନେ ଛେଳି ନେଇ ଆସି ପାରି ନ ଥିଲେ । ତାଙ୍କୁ ଉଦ୍ଧାର କରିବା ପାଇଁ ଯାଇ ଆହୁରି ଦୁଇ ଜଣ ଗ୍ରାମବାସୀ ମଧ୍ୟ ଫସି ରହିଥିଲେ । ଆଜି ଇ୍‌ବ ନଦୀର ଉପରମୁଣ୍ଡ ହାଇଡ୍ରୋ ପାୱାର ପ୍ରଜେକ୍ଟର ସମସ୍ତ ଗେଟ ବନ୍ଦ କରାଗଲା ପରେ ନଦୀରେ ପାଣି କମିଥିଲା । ଏହାପରେ ଏସ୍‌ଡିଆରଏଫ୍ ଦଳ ତାଙ୍କୁ ଉଦ୍ଧାର କରିବାରେ ସକ୍ଷମ ହୋଇଥିଲେ ।