ନାଁ ନ ନେଇ ଦିଦିଙ୍କ ଉପରେ ବର୍ଷିଲେ ମୋଦି

ଜଲଗାଁଓ,୨୫।୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର (ଅଗଷ୍ଟ ୨୫) ମହାରାଷ୍ଟ୍ରର ଜଲଗାଓଁରେ ଏକ ରାଲିରେ ଉଦବୋଧନ ଦେଇ କୋଲକାତା ବଳାତ୍କାର-ହତ୍ୟା ମାମଲାରେ ନାଁ ନ ନେଇ ମହଳାଙ୍କ ସହ ଅପରାଧ କରୁଥିବା ଲୋକଙ୍କୁ ଚେତାବନୀ ଦେଇଛନ୍ତି। ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଅପରାଧୀଙ୍କୁ ସାହାଯ୍ୟ କରୁଥିବା ଲୋକଙ୍କୁ ଛାଡି ଦିଆଯିବ ନାହିଁ। ପ୍ରଧାନମନ୍ତ୍ରୀ ମୋଦି ପଶ୍ଚିମବଙ୍ଗର ମମତା ବାନାର୍ଜୀ ସରକାରଙ୍କୁ ଇସାରା ଦେଇ କହିଛନ୍ତି ଯେ ସମସ୍ତଙ୍କ ହିସାବ କରାଯିବ ଏବଂ ଏହି ବାର୍ତ୍ତା ଉପରୁ ତଳ ପର୍ଯ୍ୟନ୍ତ ଅତି ସ୍ପଷ୍ଟ ଭାବରେ ପହଞ୍ଚିବା ଉଚିତ।
କୋଲକାତା ବଳାତ୍କାର ମାମଲାରେ ମମତା ସରକାରଙ୍କ ଉପରେ ପ୍ରଶ୍ନ ଉଠିଛି। ପଶ୍ଚିମବଙ୍ଗ ପୋଲିସର ବ୍ୟବସ୍ଥା ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି କରିଛି। ଏହି କାରଣରୁ ପ୍ରଧାନମନ୍ତ୍ରୀ ମୋଦି ମହାରାଷ୍ଟ୍ରରୁ ବଙ୍ଗୀୟ ଅଧିକାରୀ ତଥା ସରକାରଙ୍କୁ ଚେତାବନୀ ଦେଇଛନ୍ତି। ସେ କହିଛନ୍ତି ଯେ ମହିଳାଙ୍କ ପ୍ରତି ହେଉଥିବା ଅପରାଧ ଏପରି, ଯେଉଁଥିପାଇଁ କୌଣସି କ୍ଷମା ପ୍ରାର୍ଥନା କରାଯାଇପାରିବ ନାହିଁ।
ସୂଚନାଯୋଗ୍ୟ, ଏବେ ସାରା ଦେଶରେ କୋଲକତା ଟ୍ରେନି ଡାକ୍ତର ବଳାତ୍କାର ଓ ହତ୍ୟା ଘଟଣାକୁ ନେଇ ବିରୋଧ ପ୍ରଦର୍ଶନ କରାଯାଉଛି। ଏହା ସହ ତ୍ୱରିତ ନ୍ୟାୟ ପାଇଁ ବି ଦାବି କରାଯାଉଛି।