ନିମୋନିଆ ହେଲେ ଯେଉଁ ଚିକିତ୍ସା କରାଯାଏ, ଏଚ୍‌ଏମ୍‌ପିଭିରେ ମଧ୍ୟ ସମାନ ଚିକିତ୍ସା

ଭୁବନେଶ୍ବର: ଏଚ୍‌ଏମ୍‌ପିଭି ନେଇ ବର୍ତ୍ତମାନ ସୁଦ୍ଧା କିଛି ଗାଇଡଲାଇନ ଏଯାଏଁ ଆସିନି। କେନ୍ଦ୍ର ଓ ଏନ୍‌ସିଡିସିର ବୈଷୟିକ ପରାମର୍ଶଦାତା କମିଟିର ନିର୍ଦେଶକୁ ଅପେକ୍ଷା କରାଯାଇଛି । ଗାଇଡଲାଇନ୍ ଆସିଲେ ତାକୁ ପାଳନ କରାଯିବ । ଏଚ୍‌ଏମ୍‌ପି ଭାଇରସ୍‌କୁ ନେଇ ପ୍ରତିକ୍ରିୟା ରଖି ଏଭଳି ସୂଚନା ଦେଇଛନ୍ତି ସ୍ବାସ୍ଥ୍ୟ ବିଭାଗର ସ୍ବତନ୍ତ୍ର ସଚିବ ଡାକ୍ତର ବିଜୟ ମହାପାତ୍ର । ସେ କହିଛନ୍ତି, ଏ ରୋଗର ଲକ୍ଷଣ ହେଉଛି ଥଣ୍ଡା, ଜ୍ୱର, କାଶ, ତାପରେ ନିମୋନିଆ ହୋଇପାରେ। ଏହି ରୋଗର କୌଣସି ସ୍ଵତନ୍ତ୍ର ଟ୍ରିଟମେଣ୍ଟ ନାହିଁ। ନିମୋନିଆ ହେଲେ ଯେଉଁ ଟ୍ରିଟମେଣ୍ଟ ଚାଲେ, ଏଚ୍‌ଏମ୍‌ପିଭିରେ ମଧ୍ୟ ସମାନ ଟ୍ରିଟମେଣ୍ଟ । କୋଭିଡ ସମୟରୁ ସବୁ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ବ୍ୟବସ୍ଥା ଅଛି। ବିଭାଗ ପ୍ରସ୍ତୁତ ଅଛି, ସର୍ଭେଲାନ୍ସ ଚାଲିଛି। ଏହି ରୋଗର ସିଭିଆରିଟି ବିଶେଷ ନାହିଁ। ଜିଲ୍ଲାଗୁଡିକୁ ସର୍ଭେଲାନ୍ସ ନିର୍ଦେଶ ଦିଆଯାଇଛି। ସଂକ୍ରମଣ ସମୟରେ ଔଷଧ ଓ ଅକ୍ସିଜେନ, ଷ୍ଟେରୋଏଡ ମହଜୁଦ ରଖିବାକୁ ହସ୍ପିଟାଲ ଗୁଡିକୁ ନିର୍ଦେଶ ଦିଆଯାଇଥିବା ସେ ସୂଚନା ଦେଇଛନ୍ତି ।