ନୂଆବର୍ଷ ପାଳିବେନି ବିଜେଡି ସୁପ୍ରିମୋ ନବୀନ ପଟ୍ଟନାୟକ, ନବୀନ ନିବାସ ନ ଆସିବାକୁ କହିଲେ

ଭୁବନେଶ୍ୱର : ଆଉ ଆଗ ଭଳି ନବୀନ ନିବାସରେ ଭିଡ ଲାଗିବନି କି ଫୁଲ ତୋଡ଼ା ନେଇ ଯିବେନି ନେତା ଓ ପ୍ରଶଂସକ । ଏ ନେଇ ବାରଣ କରିଛନ୍ତି ନବୀନ । କାରଣ ନୂଆବର୍ଷ ପାଳିବେନି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ବିୟୋଗରେ ରାଷ୍ଟ୍ରୀୟ ଶୋକ ଏବଂ କ୍ଷତିଗ୍ରସ୍ତ ଚାଷୀଙ୍କ ଦୁଃଖରେ ସମବେଦନା ଜଣାଇ ଏପରି ନିଷ୍ପତ୍ତି ନେଇଛନ୍ତି ବିରୋଧୀ ଦଳ ନେତା । ଆସନ୍ତାକାଲି ଅଭିନନ୍ଦନ ଜଣାଇବା ପାଇଁ ନବୀନ ନିବାସ ନ ଆସିବାକୁ ଶୁଭେଚ୍ଛୁମାନଙ୍କୁ କହିଛନ୍ତି ନବୀନ ପଟ୍ଟନାୟକ ।