ନୂଆଦିଲ୍ଲୀ : ରାଜଧାନୀ ଦିଲ୍ଲୀର ସାର୍ବଜନୀନ ପରିବହନ ବ୍ୟବସ୍ଥା ମହିଳାମାନଙ୍କ ପାଇଁ ଏକ ସୁବର୍ଣ୍ଣ ଯୁଗ ଆରମ୍ଭ କରୁଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ଇନ୍ଦିରା ଗାନ୍ଧୀ ଇନ୍ଦୋର ଷ୍ଟାଡିୟମରେ ଆୟୋଜିତ ଏକ ଭବ୍ୟ କାର୍ଯ୍ୟକ୍ରମରେ ପିଙ୍କ୍ ମୋବିଲିଟି କାର୍ଡର ଶୁଭାରମ୍ଭ କରିବେ। ମାର୍ଚ୍ଚ ମାସରେ ମୁଖ୍ୟମନ୍ତ୍ରୀ ରେଖା ଗୁପ୍ତା ଏହାକୁ ଦିଲ୍ଲୀର ମହିଳାମାନଙ୍କ ପାଇଁ ମହିଳା ସଶକ୍ତିକରଣ ଦିଗରେ ସବୁଠାରୁ ବଡ଼ ଉପହାର ବୋଲି କହିଛନ୍ତି। ଏହି ନୂତନ ପିଙ୍କ୍ କାର୍ଡ ଜାତୀୟ ସାଧାରଣ ମୋବିଲିଟି କାର୍ଡ କୌଶଳ ଉପରେ ଆଧାରିତ ହେବ। ଏହି କାର୍ଡର ସବୁଠାରୁ ବଡ଼ ବିଶେଷତ୍ୱ ହେଉଛି, ମହିଳାମାନେ ଡିଟିସି (DTC) ବସ୍ରେ ସମ୍ପୂର୍ଣ୍ଣ ମାଗଣାରେ ଯାତ୍ରା କରିପାରିବେ। ଏହାସହ ସମାନ କାର୍ଡ ସହ ଡିଜିଟାଲ୍ ପେମେଣ୍ଟ ପାଇଁ ଦିଲ୍ଲୀ ମେଟ୍ରୋ ଏବଂ ଆଞ୍ଚଳିକ ରାପିଡ୍ ଟ୍ରାଞ୍ଜିଟ୍ ସିଷ୍ଟମ୍ (RRTS) ମଧ୍ୟ ବ୍ୟବହାର କରାଯାଇପାରିବ।
ନ୍ୟାସନାଲ କମନ ମୋବିଲିଟି କାର୍ଡ ହେଉଛି ଏପରି ଏକ କାର୍ଡ ଯାହାକୁ ମେଟ୍ରୋ, ବସ୍, ଟ୍ରେନ୍ ଇତ୍ୟାଦି ବିଭିନ୍ନ ପରିବହନ ପାଇଁ ଟିକେଟ୍ କିଣିବା ପାଇଁ ବ୍ୟବହାର କରାଯାଇପାରିବ। ଏହାକୁ ପାର୍କିଂ ଏବଂ ଟୋଲ୍ ପାଇଁ ମଧ୍ୟ ଦେୟ ଦେବାକୁ ବ୍ୟବହାର କରାଯାଇପାରିବ। ଏହି କାର୍ଡ କଣ୍ଟାକ୍ଟଲେସ୍ ପେମେଣ୍ଟ ସୁବିଧା ପ୍ରଦାନ କରେ। ଯାହା ପିନ୍ କିମ୍ବା ଓଟିପି ବିନା ୨ ହଜାର ଟଙ୍କା ପର୍ଯ୍ୟନ୍ତ କାରବାର କରିହେବ। ପରିବହନ ବ୍ୟବସ୍ଥାକୁ ସୁବ୍ୟବସ୍ଥିତ କରିବା ପାଇଁ ଦିଲ୍ଲୀ ସରକାର କାର୍ଡଗୁଡ଼ିକୁ ତିନୋଟି ବର୍ଗରେ ବିଭକ୍ତ କରିଛନ୍ତି।ଯଥା : –
ଗୋଲାପୀ କାର୍ଡ- ବିଶେଷକରି ମହିଳାଙ୍କ ପାଇଁ (ମାଗଣା ବସ୍ ଯାତ୍ରା ପାଇଁ)
ନୀଳ କାର୍ଡ- ସାଧାରଣ ଯାତ୍ରୀଙ୍କ ନିୟମିତ ବ୍ୟବହାର ପାଇଁ
କମଳା କାର୍ଡ- ମାସିକ ପାସ୍ ଥିବା ଯାତ୍ରୀଙ୍କ ପାଇଁ
ପ୍ରାରମ୍ଭରେ ଗୋଲାପୀ ଏବଂ ନୀଳ କାର୍ଡ ପ୍ରଦାନ କରାଯିବ। ଯାହାର ଦାୟିତ୍ୱ ଦିଲ୍ଲୀ ପରିବହନ ନିଗମ (DTC) ଉପରେ ନ୍ୟସ୍ତ କରାଯାଇଛି। ମହିଳାଙ୍କ ସୁବିଧା ପାଇଁ ଦିଲ୍ଲୀରେ ପ୍ରାୟ ୫୦ଟି ସ୍ୱତନ୍ତ୍ର କେନ୍ଦ୍ର ଖୋଲାଯିବ। ଏହି କାର୍ଡ ଗୁଡ଼ିକ ଡିଏମ୍ ଏବଂ ଏସଡିଏମ୍ କାର୍ଯ୍ୟାଳୟ ସହିତ ମନୋନୀତ ଡିଟିସି କେନ୍ଦ୍ରଗୁଡ଼ିକରେ ଉପଲବ୍ଧ ହେବ। ଯାହାଦ୍ଵାରା ଯୋଜନାର ଲାଭ ସଠିକ୍ ହିତାଧିକାରୀଙ୍କ ପାଖରେ ପହଞ୍ଚିପାରିବ । ଏବଂ ଠକେଇକୁ ରୋକାଯାଇପାରିବ।
