ଗ୍ଲାମର ଦୁନିଆରେ ସଂପର୍କ କେତେ ଜଲଦି ହୁଏ ଆଉ କେତେ ଜଲଦି ଭାଙ୍ଗିଯାଏ, ତାହା ସମସ୍ତଙ୍କୁ ଜଣା । ଏବେ ବଲିଉଡର ଆଉ ଏକ ଜଣାଶୁଣା ଦମ୍ପତିଙ୍କ ବିବାହ ଭାଙ୍ଗିବା ଚର୍ଚ୍ଚାରେ ରହିଛି । ବଲିଉଡ ତଥା ଟିଭି ଅଭିନେତ୍ରୀ ମୌନି ରୟ ଏବଂ ସୂରଜ ନାମ୍ବିଆର ସୋସିଆଲ ମିଡିଆରେ ପରସ୍ପରକୁ ଅନଫଲୋ କରିଦେଇଛନ୍ତି । ଯେଉଁଥି ପାଇଁ ଫ୍ୟାନ୍ସ ସେମାନଙ୍କ ଛାଡପତ୍ର ନେଇ ଆକଳନ କରୁଛନ୍ତି ।
ଖବର ମୁତାବକ, ମୌନି ଏବଂ ସୂରଜ ଉଭୟ ସୋସିଆଲ ମିଡିଆରେ ପରସ୍ପରକୁ ଅନଫଲୋ କରିଦେଇଛନ୍ତି । ସେମାନଙ୍କ ବାହାଘରର ଫଟୋ ଡିଲିଟ୍ କରିଦେଇଛନ୍ତି । ଯାହାକୁ ନେଇ ଫ୍ୟାନ୍ସ ଛାଡପତ୍ର କଥା ଚର୍ଚ୍ଚା କରୁଛନ୍ତି । ଦୁହେଁ ଏପର୍ଯ୍ୟନ୍ତ କୌଣସି ଅଫିସିଆଲ ଭାବେ କୌଣସି କଥା କହିନାହାନ୍ତି । ହେଲେ ଦମ୍ପତି ଦୁହେଁ ସୋସିଆଲ ମିଡିଆରେ ଫଟୋ ଡିଲିଟ୍ କରିବା ପରେ ଫ୍ୟାନ୍ସ ଆକଳନ କରୁଛନ୍ତି ।
ମୌନି ରୟ ସବୁବେଳେ ତାଙ୍କ ସ୍ୱାମୀ ସୂରଜଙ୍କ ସହ ଛୁଟି କାଟିବାର ଫଟୋ ସେୟାର କରନ୍ତି । କିନ୍ତୁ ଏବେ ଆଉ ସେୟାର କରୁନାହାନ୍ତି । ସେମାନେ ଇନଷ୍ଟାଗ୍ରାମରେ ପରସ୍ପରକୁ ଅନଫଲୋ ମଧ୍ୟ କରି ଦେଇଛନ୍ତି । ମୌନି ରୟ ଏବଂ ସୂରଜ ୨୦୨୨ରେ ବିବାହ କରିଥିଲେ । ବିବାହର ୪ ବର୍ଷ ପରେ ଦୁହେଁ ଅଲଗା ହେବା ନେଇ ଚର୍ଚ୍ଚା ଚାଲିଛି ।
ମୌନି ରୟ ଟିଭି ଏବଂ ବଲିଉଡ ଇଣ୍ଡଷ୍ଟ୍ରୀର ଜଣାଶୁଣା ଅଭିନେତ୍ରୀ । ସୁରଜ ଜଣେ ବ୍ୟବସାୟୀ । ଦୁହେଁ ଦୀର୍ଘଦିନ ଧରି ଡେଟିଂ କରିବା ପରେ ୨୦୨୨ରେ ଗୋଆରେ ବିବାହ କରିଥିଲେ । ପ୍ରଥମେ ମଲୟାଲୀ ରୀତିନୀତି ଅନୁଯାୟୀ ବିବାହ କରିବା ପରେ ବଙ୍ଗାଳୀ ପରମ୍ପରାରେ ବିବାହ କରିଥିଲେ ।
