ପାରାଦୀପ : ପାରାଦୀପ ତାରିଣୀଗଡ଼ା ଜଘନ୍ୟ ହତ୍ୟା କାଣ୍ଡର ବଡ଼ ଖୁଲାସା । ଯୁବତୀଙ୍କ ବୟଫ୍ରେଣ୍ଡ ସୋମନାଥ ଥିଲା ହତ୍ୟା ପଛର ମାଷ୍ଟରମାଇଣ୍ଡ । ହତ୍ୟାକାଣ୍ଡରେ ଭଡ଼ାଟିଆ ଶୁଭମ ସିଂ କରିଥିଲା ସହଯୋଗ । ଦୁଇ ଜଣଙ୍କୁ ଗିରଫ କଲା ପାରାଦୀପ ଆଦର୍ଶ ଥାନା ପୋଲିସ । ସିସିଟିଭି ଫୁଟେଜ ଓ ଶବ ବ୍ୟବଚ୍ଛେଦ ରିପୋର୍ଟକୁ ଆଧାର କରି ତଦନ୍ତ ଚଳାଇଥିଲା ପୋଲିସ ।
ଗତକାଲି ବଏଫ୍ରେଣ୍ଡ ସୋମନାଥ ଓଝା ଏବଂ ଭଡାଟିଆ ଶୁଭମ୍ ସିଂଙ୍କ ଡାକ୍ତରୀ ମାଇନା କରାଯାଇଥିଲା । ଏହାପରେ ଘଟଣା ସ୍ଥଳରେ ସିନରିକ୍ରିଏସନ କରିବା ପରେ ଦୁଇ ଜଣଙ୍କୁ ପୋଲିସ ଗିରଫ କରିଥିବା ସୂଚନା ମିଳିଛି। ଆଜି ସନ୍ଧ୍ୟାରେ ଗଣମାଧ୍ୟମ ସମ୍ମୁଖରେ ଜଗତସିଂହପୁର ଏସ.ପି ଅଙ୍କିତ ବର୍ମା ସମ୍ପୂର୍ଣ୍ଣ ତଥ୍ୟ ରଖିବାନେଇ ପାରାଦୀପ ଆଦର୍ଶ ଥାନା ପକ୍ଷରୁ ସୂଚନା ରହିଛି । ମୃତ ଯୁବତୀଙ୍କ ଘର ତିର୍ତ୍ତୋଲ କୋଲାର ଗାଁର ।
