ବ୍ରହ୍ମପୁର : ଜଣଙ୍କ ପାଇଁ ଲଢିବେ ୫୩ । ବ୍ରହ୍ମପୁର ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲାରେ ବିକ୍ରମ ପଣ୍ଡାଙ୍କ ପାଇଁ ଲଢ଼ିବେ ୫୩ ଓକିଲ। ବିକ୍ରମ ପଣ୍ଡାଙ୍କ ଲାଗି ୫୩ ଜଣ ଓକିଲ କୋର୍ଟରେ ଓକିଲାତିନାମା ଦାଖଲ କରିଥିବା ସୂଚନା ମିଳିଛି । କେବଳ ସେତିକି ନୁହଁ, ମଳୟ ବିଷୋୟୀଙ୍କ ପାଇଁ ୪୪ ଜଣ ଏବଂ ମଦନ ଦଳାଇଙ୍କ ପାଇଁ ଓକିଲାତି କରିବେ ୪୩ ଜଣ ଓକିଲ ।
ବିକ୍ରମ ପଣ୍ଡା ପୂର୍ବତନ ବିଧାୟକ ସହ ଓକିଲ ରହିଥିବା ବେଳେ ମଦନ ଓ ମଳୟ ମଧ୍ୟ ଓକିଲ ଅଛନ୍ତି l ଗତ ୬ ତାରିଖ ଦିନ ପୀତବାସ ପଣ୍ଡାଙ୍କୁ ଗୁଳି କରି ହତ୍ୟା କରାଯାଇଥଲା l ପୋଲିସ ଘଟଣାର ତଦନ୍ତ କରି ୨୨ ତାରିଖରେ ବିକ୍ରମ, ମଳୟ, ମଦନ, ପୂର୍ବତନ ମେୟର ଶିବ ଶଙ୍କର ଦାଶଙ୍କ ସହ ୧୨ ଜଣଙ୍କୁ କୋର୍ଟ ଚାଲାଣ କରିଥିବା ବେଳେ ୨୩ ତାରିଖରେ ଆଉ ଜଣଙ୍କୁ ଗିରଫ କରି ପଠାଇଥିଲା l
ସେପଟେ ଶିବ ଶଙ୍କରଙ୍କ ବିରୋଧୀ ଗୋଷ୍ଠୀ ଜେଲରେ ରହିଥିବାରୁ ତାଙ୍କର ସୁରକ୍ଷା ପାଇଁ ତାଙ୍କୁ ଫୁଲବାଣୀ ଜେଲକୁ ପଠାଇ ଦେବା ପାଇଁ ଜେଲ ଅଧିକାରୀ କୋର୍ଟରେ ନିବେଦନ କରିଥିଲେ l ତାଙ୍କୁ ୨୭ ରେ ନେବା ପାଇଁ ଅଡର ହୋଇଥିଲେ ବି କୌଣସି ନିକଟ ଜେଲକୁ ପଠାଇବା ପାଇଁ ତାଙ୍କ ସ୍ତ୍ରୀ ଆଜି କୋର୍ଟରେ ନିବେଦନ କରିଛନ୍ତି l
