ତାଇପେଇ: ତାଇୱାନ ଉପରେ ଚୀନ୍ ଆରୋପ ଲଗାଇଛି ଯେ,ଦୁଇ ଦେଶ ମଧ୍ୟରେ ଭଲ ସମ୍ପର୍କ ପାଇଁ ଉଦ୍ୟମକୁ ତାଇୱାନ ସରକାର ଦୁର୍ବଳ କରିଦେଇଛନ୍ତି। ଫଳରେ ତିକ୍ତତା ବଢୁଛି। ଚୀନ୍ କହିଛି, ତାଇୱାନ ବୁଝାମଣା କରିବାକୁ ମନା କରୁଛି ଫଳରେ ଦୁଇ ଦେଶ ମଧ୍ୟରେ ଉତ୍ତେଜନା ବୃଦ୍ଧି ପାଉଛି।ଏହାର ଜବାବରେ ତାଇୱାନ କହିଛି, ଚୀନ୍ର ସାମରିକ କାର୍ଯ୍ୟକଳାପ ହେଉଛି ଉତ୍ତେଜନାର ମୁଖ୍ୟ କାରଣ। ତାଇୱାନ କହିଛି, ତାଇୱାନ ବିରୁଦ୍ଧରେ ଉତ୍ତେଜନାମୂଳକ କାର୍ଯ୍ୟକଳାପ ବନ୍ଦ ନ କଲେ ଚୀନ୍ର ପ୍ରତିନିଧୀଙ୍କୁ ସ୍ୱାଗତ କରାଯିବ ନାହିଁ।
ଡିସେମ୍ବରରେ ଧାର୍ଯ୍ୟ ହୋଇଥିବା ଟ୍ୱିନ୍ ସିଟି ଫୋରମ୍ର ବିଳମ୍ବ ପାଇଁ ତାଇୱାନ ଚୀନ୍କୁ ଦାୟୀ କରିଥିବା ତାଇପେଇ ଟାଇମ୍ସ ରିପୋର୍ଟ କରିଛି। ତାଇୱାନର ମେନଲ୍ୟାଣ୍ଡ୍ ଆଫେୟାର୍ସ କାଉନସିଲ୍ (ଏମଏସି) ଅନୁଯାୟୀ, ତାଇୱାନର ପ୍ରତିବନ୍ଧକ ଯୋଗୁ ଏହା ବିଳମ୍ବ ହୋଇ ନ ଥିଲା। ଚୀନ୍ ଏହାର ଅତିଥି ତାଲିକାକୁ ଠିକ୍ ସମୟରେ ଚୂଡ଼ାନ୍ତ କରି ନ ଥିଲା। ଫଳରେ ଏହା ବିଳମ୍ବ ହୋଇଥିଲା।
କାର୍ଯ୍ୟାଳୟ ୨୦୨୩ ମସିହାରେ ଆରମ୍ଭ ହୋଇଥିବା ତାଇୱାନ ସ୍ବାଧୀନତା ବିରୋଧରେ ବେଜିଂ ୨୨ଟି ନିର୍ଦ୍ଦେଶାବଳୀ ନୀତି କାର୍ଯ୍ୟକାରୀ କରିଥିଲା।
ତାଇପେଇ ଟାଇମ୍ସର ରିପୋର୍ଟ ଅନୁଯାୟୀ, ତାଇୱାନର ଜଣେ ଅଧିକାରୀ କହିଛନ୍ତି ଯେ, ତାଇୱାନ ଦୀର୍ଘ ଦିନ ଧରି ଚୀନ୍କୁ ଗ୍ରୁପ୍ ଭ୍ରମଣ ଉପରେ ଥିବା ପ୍ରତିବନ୍ଧକକୁ ହଟାଇବାକୁ ଚାହୁଁଥିଲା, କିନ୍ତୁ ଚୀନ୍ର ୨୨ ନିର୍ଦ୍ଦେଶାବଳୀ ଯୋଗୁ ଏହା ସମ୍ଭବ ହୋଇ ପାରି ନ ଥିଲା।
ତଥାପି, ଅନେକ ତାଇୱାନ ଲୋକେ ସ୍ୱାଧୀନ ଭାବରେ ଚୀନ୍ ଯାତ୍ରା କରିଥାନ୍ତି। ତାଇୱାନ କହିଛି ଯେ, ବେଜିଂ ସହିତ ଭଲ ସମ୍ପର୍କ ଗଢ଼ିବାକୁ ଆମେ ପ୍ରତିଶ୍ରୁତିବଦ୍ଧ। ଯଦି ଚୀନ୍ ବୁଝାମଣା କରିବାକୁ କିମ୍ବା ସକାରାତ୍ମକ ପଦକ୍ଷେପ ନେବାକୁ ଇଚ୍ଛୁକ, ତେବେ ତାଇୱାନ ଗୋଷ୍ଠୀ ଯାତ୍ରା ନିଷେଧର ପୁନର୍ବିଚାର କରିବାକୁ ଏବଂ ଦୁଇ ଦେଶ ମଧ୍ୟରେ ସମ୍ପର୍କକୁ ସୁଦୃଢ଼ କରିବାକୁ ପ୍ରସ୍ତୁତ ଅଛି।
ତାଇୱାନ ପ୍ରତିରକ୍ଷା ମନ୍ତ୍ରଣାଳୟ (ଏଭଏନଡି) କହିଛି ଯେ, ତାଇୱାନ ନିକଟରେ ଚୀନ୍ ସେନା (ପିଏଲଏ)ର ୧୫ଯୁଦ୍ଧ ବିମାନ ଏବଂ ନୌସେନାର ୮ ଜାହାଜ (ପିଏଲଏଏନ) ଦେଖାଯାଇଛି। ସେଥିମଧ୍ୟରୁ ୧୪ ବିମାନ ତାଇୱାନ ଷ୍ଟ୍ରାଇଟ୍ର ମଧ୍ୟଭାଗ ଅତିକ୍ରମ କରି ତାଇୱାନର ଦକ୍ଷିଣ-ପଶ୍ଚିମ ବାୟୁ ପ୍ରତିରକ୍ଷା ଜୋନ୍ (ଏଡିଆଇଜେଡ)ରେ ପ୍ରବେଶ କରିଥିଲା।
ତାଇୱାନ ପରିସରରେ ୧୫ଟି ପିଏଲଏ ବିମାନ ଏବଂ ୮ ପିଏଲଏଏନ ବିମାନ ମଙ୍ଗଳବାର ସକାଳ ୬ଟାରେ ପ୍ରବେଶ କରିଥିଲା। ଏମଏନଡି କହିଛି, ତାଇୱାନର ସୈନ୍ୟମାନେ ପରିସ୍ଥିତି ଉପରେ ନଜର ରଖିଛନ୍ତି ଏବଂ ଆବଶ୍ୟକତା ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି।
ତାଇୱାନର ସଶସ୍ତ୍ର ବାହିନୀ ଭୋର୍ ୪ଟାରେ ଜିଚାଙ୍ଗ ସାଟେଲାଇଟ୍ ଲଞ୍ଚ ସେଣ୍ଟରରୁ ଚୀନ୍ର ଉପଗ୍ରହ ଉତକ୍ଷେପଣ ଉପରେ ନଜର ରଖିଛି। ଏହି ରକେଟର ରାସ୍ତା କେନ୍ଦ୍ରୀୟ ତାଇୱାନ ଦେଇ ଯାଇଥିଲା, କିନ୍ତୁ କୌଣସି ବିପଦ ସୃଷ୍ଟି କରି ନ ଥିଲା। ତଥାପି, ତାଇୱାନ ସୈନ୍ୟମାନେ ସମଗ୍ର ଅପରେସନ୍ ନେଇ ସଜାଗ ରହିଥିଲେ।
ଏହାପୂର୍ବରୁ ତାଇୱାନର ପ୍ରତିରକ୍ଷା ମନ୍ତ୍ରଣାଳୟ ରିପୋର୍ଟ କରିଥିଲା ଯେ, ତାଇୱାନ ନିକଟରେ ସାତୋଟି ଚୀନ୍ ସାମରିକ ବିମାନ ଏବଂ ସାତୋଟି ଜାହାଜ ଦେଖିବାକୁ ମିଳିଥିଲା। ଏଥିମଧ୍ୟରୁ ୬ଟି ବିମାନ ତାଇୱାନ ଷ୍ଟ୍ରାଇଟ୍ର ମଧ୍ୟଭାଗ ଅତିକ୍ରମ କରି ତାଇୱାନର ଦକ୍ଷିଣ-ପଶ୍ଚିମ ଏବଂ ପୂର୍ବ ବାୟୁ ପ୍ରତିରକ୍ଷା ଜୋନ୍ରେ ପ୍ରବେଶ କରିଥିଲା।
ତାଇୱାନର ପ୍ରତିରକ୍ଷା ମନ୍ତ୍ରଣାଳୟ ରଣନୈତିକ କ୍ଷେତ୍ରରେ ଯୁଦ୍ଧ ପ୍ରସ୍ତୁତି ଅଭ୍ୟାସ ଆରମ୍ଭ କରିଛି। ଏଥିପାଇଁ ତାଇୱାନ କୋଷ୍ଟଗାର୍ଡ ସହିତ ମିଳିତ ଭାବେ କାର୍ଯ୍ୟ କରୁଛି। ଉତ୍ତେଜନାର ମୁଖ୍ୟ କାରଣ ହେଉଛି ତାଇୱାନ ନିଜକୁ ଏକ ସ୍ୱାଧୀନ ଦେଶ ଭାବେ ଗ୍ରହଣ କରୁଛି, ଯାହାର ନିଜସ୍ୱ ସରକାର, ସେନା ଏବଂ ଅର୍ଥନୀତି ଅଛି। ଅନ୍ୟପକ୍ଷରେ ଚୀନ୍ ତାଇୱାନକୁ ନିଜର ଅଂଶ ଭାବରେ ବିବେଚନା କରୁଛି ଏବଂ ଏହାକୁ ଏକ ଚୀନ୍ ନୀତି ଅନୁଯାୟୀ ନିଜ ସହ ମିଶାଇବାକୁ ଚେଷ୍ଟା କରୁଛି।
ଚୀନ୍ ଗୃହଯୁଦ୍ଧ ସମୟରେ ଏହି ବିବାଦ ଆରମ୍ଭ ହୋଇଥିଲା ଯେତେବେଳେ କମ୍ୟୁନିଷ୍ଟ ପାର୍ଟି ଜିତିବା ପରେ ରିପବ୍ଲିକ୍ ଅଫ୍ ଚାଇନା (ଆରଓସି) ସରକାର ତାଇୱାନରେ ଗଠନ ହୋଇଥିଲେ, ସେବେଠାରୁ ଉଭୟ ଦେଶ ମଧ୍ୟରେ ତିକ୍ତତା ଜାରି ରହିଛି। ଏଥି ସହିତ ଚୀନ୍ ତାଇୱାନକୁ ନିଜ ସହ ଯୋଡିବାକୁ ଚେଷ୍ଟା କରୁଛି, କିନ୍ତୁ ତାଇୱାନ ଏହାର ସ୍ବାଧୀନତା ବଜାୟ ରଖିବାକୁ ଜିଦ୍ ଧରିଛି। ତାଇୱାନର ଏହି ସ୍ଥିତି ନେଇ ଲୋକଙ୍କଠାରୁ ବହୁତ ସମର୍ଥନ ମଧ୍ୟ ରହିଛି।
