ପୁରୀ : ପୁରୀରେ ପୁଣି ହତ୍ୟା । ଜଗନ୍ନାଥ ବଲ୍ଲଭ ଭିତରେ ଜଣଙ୍କୁ ପଥରରେ ଛେଚି ହତ୍ୟା କରାଯାଇଛି । ବଲ୍ଲଭ ଭିତରେ ଥିବା ଵେଣ୍ଟ ପୋଖରୀ ନିକଟରେ ମାନସିକ ବିକାରଗ୍ରସ୍ତ ଯୁବକଙ୍କୁ ହତ୍ୟା କରାଯାଇଛି । ୨ ମାନସିକ ବିକାରଗ୍ରସ୍ତ ଯୁବକଙ୍କ ମଧ୍ୟରେ ଗଣ୍ଡଗୋଳ ପରେ ହତ୍ୟାକାଣ୍ଡ ହୋଇଛି । ଜଣେ ଆଉ ଜଣକୁ ପଥରରେ ଛେଚି ହତ୍ୟା କରିଥିବା ପୋଲିସର ସୂଚନା ଦେଇଛି । ଘଟଣାସ୍ଥଳରେ ଟାଉନଥାନା ପୋଲିସର ତଦନ୍ତ ଆରମ୍ଭ କରିଛି ।
ସେହିପରି ଗତ ଦୁଇ ଦିନ ତଳେ ପୁରୀ ସହର କୁମ୍ଭାରପଡ଼ା ଥାନା ଅନ୍ତର୍ଗତ ପତିତପାବନ ସାହିରେ ଏକ ଭଡା ଘରେ ମା’କୁ ହତ୍ୟା କରି ରୋଷେଇ ଘର ସ୍ଲାବ ତଳେ ପ୍ଲାଷ୍ଟର କରି ଫେରାର ହୋଇଯାଇଥିଲା ପୁଅ । ଗତ 3 ରୁ 4 ଦିନ ମଧ୍ୟରେ ଏହି ହତ୍ୟାକାଣ୍ଡ ଘଟିଥିବା ଅନୁମାନ କରିଥିଲା ପୁରୀ ପୋଲିସ । ତେବେ ଅଭିଯୁକ୍ତ ପୁଅ ଫେରାର୍ ହୋଇଯାଇଥିବା ବେଳେ ମହିଳାଙ୍କ ପରିଚୟ ମିଳିପାରିନଥିବା ପୁରୀ ଏସପି ପ୍ରତୀକ ସିଂହ କହିଥିଲେ ।
