ପୂର୍ବ ସରକାରରେ ଭୁଶୁଡ଼ି ପଡ଼ିଥିଲା ପ୍ରାଥମିକ ଶିକ୍ଷା ବ୍ୟବସ୍ଥା: ମୁଖ୍ୟମନ୍ତ୍ରୀ

ରାଜ୍ୟରେ କେମିତି ଲାଗୁ ହେବ ଜାତୀୟ ଶିକ୍ଷା ନୀତି, କଣ ରହିବ ରୂପରେଖ, ସେନେଇ ଭୁବନେଶ୍ବରରେ ଚାଲିଛି କର୍ମଶାଳା । ଏହି ତିନିଦିନିଆ କର୍ମଶାଳାରେ ମୁଖ୍ୟମନ୍ତ୍ରୀ ମୋହନ ମାଝୀ ଯୋଗ ଦେଇ ପୂର୍ବ ସରକାରର ଶିକ୍ଷା ବ୍ୟବସ୍ଥାକୁ ଆକ୍ଷେପ କରିଛନ୍ତି । ପୂର୍ବ ସରକାର ସମୟରେ ପ୍ରାଥମିକ ଶିକ୍ଷାକୁ ଗୁରୁତ୍ୱ ଦିଆଯାଉନଥିଲା । ଭଙ୍ଗା କୁଡ଼ିଆରେ, ବାରଣ୍ଡାରେ ଏବଂ ଗଛମୂଳରେ ଶିକ୍ଷାଦାନ କରାଯାଉଥିଲା । କିନ୍ତୁ ନୂଆ ସରକାର ଶିକ୍ଷା ବ୍ୟବସ୍ଥାର ସୁଦୃଢୀକରଣ ପାଇଁ ଅନେକ ପଦକ୍ଷେପ ନେଉଥିବା କହିଛନ୍ତି ମୁଖ୍ୟମନ୍ତ୍ରୀ । ଗତ ସରକାର ସମୟର ଫାଇଭ ଟି’ ସ୍କୁଲକୁ ନେଇ ମଧ୍ୟ ବର୍ଷିଛନ୍ତି ମୁଖ୍ୟମନ୍ତ୍ରୀ । ଏହାର ଜବାବ ରଖିଛି ବିଜେଡି ।