ପ୍ରତିଦିନ ଚାଲିବା ଦ୍ୱାରା ଆପଣ ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାରୁ ମୁକ୍ତି ପାଇପାରିବେ । ଫିଟନେସ ପାଇଁ ଡାକ୍ତର ସବୁବେଳେ ଚାଲିବାକୁ ପରାମର୍ଶ ଦେଇଥାନ୍ତି । କିନ୍ତୁ ଖାଇବା ପରେ ଚାଲିବାର କିଛି ଆଶ୍ଚର୍ଯ୍ୟଜନକ ସ୍ୱାସ୍ଥ୍ୟ ଲାଭ ବିଷୟରେ ଆପଣ ଜାଣନ୍ତି କି? ଯେଉଁମାନେ ନିୟମିତ ଚାଲନ୍ତି, ସେମାନଙ୍କର ଶରୀର ଅନ୍ୟମାନଙ୍କ ତୁଳନାରେ ଶକ୍ତିଶାଳୀ ହୋଇଯାଏ । ଏମିତିକି ଆମ ପୂର୍ବ କାଳରୁ ମଧ୍ୟ ଖାଇବା ପରେ ଚାଲିବାକୁ ପରାମର୍ଶ ଦିଆଯାଇଛି । ତେବେ ଆସନ୍ତୁ ଜାଣିବା ଖାଦ୍ୟ ଖାଇବା ପରେ କାହିଁକି ଚାଲିବା ଉଚିତ…
ଖାଇବା ପରେ ପ୍ରତିଦିନ ମାତ୍ର ୧୦ ମିନିଟ୍ ଚାଲିବା ଉଚିତ । ଚାଲିବା ଦ୍ୱାରା ଆମର ଡାଇଜେସଟିବ ସିଷ୍ଟମ ଠିକ୍ ରେ କାମ କରିଥାଏ । ଏହି ନିୟମକୁ ମାତ୍ର ଗୋଟିଏ ସପ୍ତାହ ପାଇଁ ଅନୁସରଣ କରନ୍ତୁ ଏବଂ ଆପଣ ନିଶ୍ଚୟ ଭାବରେ ଏହାର ସକାରାତ୍ମକ ପ୍ରଭାବ ଦେଖିପାରିବେ । କିନ୍ତୁ ଗୋଟିଏ ଜିନିଷ ଧ୍ୟାନରେ ରଖନ୍ତୁ ଖାଦ୍ୟ ଖାଇବା ପରେ ଆପଣ ଅଧିକ ଜୋରେ ଚାଲିବା ଉଚିତ୍ ନୁହେଁ; ନଚେତ୍, ଏହା ଆପଣଙ୍କ ଶରୀର ଉପରେ ସକାରାତ୍ମକ ପ୍ରଭାବ ପକାଇବା ପରିବର୍ତ୍ତେ ନକାରାତ୍ମକ ପ୍ରଭାବ ପକାଇପାରେ । ଖାଇବା ପରେ ଚାଲିବା ଦ୍ଵାରା ଆପଣ ନିଜ ବ୍ଲଡ଼ ସୁଗାର ଲେବଲକୁ ନିୟନ୍ତ୍ରଣ କରିପାରିବେ ।
ଯଦି ଆପଣଙ୍କର ଡାଇବେଟିସ ଅଛି ତେବେ ତ ଆପଣ ଖାଇବା ପରେ କିଛି ସମୟ ନିଶ୍ଚୟ ଚାଲିବ ଉଚିତ । ଖାଇବା ପରେ ଚାଲିବା ଦ୍ୱାରା କେବଳ ଆପଣଙ୍କ ଶରୀରର ମେଟାବୋଲିଜିମ୍ ବୃଦ୍ଧି ପାଏ ନାହିଁ ବରଂ ଆପଣଙ୍କ ଅନ୍ତନଳୀ ସ୍ୱାସ୍ଥ୍ୟରେ ମଧ୍ୟ ବହୁତ ଉନ୍ନତି ଆସିପାରେ । ଯଦି ଆପଣ ଆପଣଙ୍କର ୱେଟ୍ ଲସ୍ ଜର୍ଣ୍ଣିକୁ ସହଜ କରିବାକୁ ଚାହୁଁଛନ୍ତି, ତେବେ ଆପଣ ଖାଇବା ପରେ ନିଶ୍ଚୟ ଚାଲିବା ଉଚିତ । ପ୍ରତିଦିନ ଚାଲିବା ଦ୍ୱାରା ଆପଣ ଆପଣଙ୍କ ହୃଦୟ ସ୍ୱାସ୍ଥ୍ୟକୁ ସୁଦୃଢ଼ କରିପାରିବେ, ଅର୍ଥାତ୍ ଚାଲିବା ଦ୍ୱାରା ଗମ୍ଭୀର ଏବଂ ମାରାତ୍ମକ ହୃଦୟ ସମ୍ବନ୍ଧୀୟ ରୋଗର ଆଶଙ୍କା ହ୍ରାସ ପାଇପାରେ ।
ଯଦି ଆପଣ ସବୁବେଳେ କ୍ଳାନ୍ତ କିମ୍ବା ଅଳସୁଆ ଅନୁଭବ କରନ୍ତି, ତେବେ ଖାଇବା ପରେ ଚାଲିବା ଏହି ସମସ୍ୟାର ସମାଧାନ କରିପାରିବ । ସାମଗ୍ରିକ ଭାବରେ କହିବାକୁ ଗଲେ ଖାଇବା ପରେ ଚାଲିବାର ଅଭ୍ୟାସ ଆପଣଙ୍କ ସ୍ୱାସ୍ଥ୍ୟ ପାଇଁ ଏକ ବରଦାନ ସାବ୍ୟସ୍ତ ହୋଇପାରେ । ପ୍ରତିଦିନ ଚାଲିବା ଦ୍ଵାରା ଆପଣଙ୍କ ଶରୀର ଏବଂ ସ୍ୱାସ୍ଥ୍ୟ ଉପରେ ଅନେକ ସକାରାତ୍ମକ ପ୍ରଭାବ ପଡ଼ିପାରେ । ଖାଇବା ପରେ ଚାଲିବା କେବଳ ଶାରୀରିକ ସ୍ୱାସ୍ଥ୍ୟ ପାଇଁ ନୁହେଁ ବରଂ ମାନସିକ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ ପ୍ରମାଣିତ ହୋଇପାରେ । ଆପଣ ଜାଣି ଆଶ୍ଚର୍ଯ୍ୟ ହେବେ ଖାଇବା ପରେ ଚାଲିବା ଆମ ଇମ୍ୟୁନିଟି ବଢ଼ାଇବାରେ ମଧ୍ୟ ସାହାଯ୍ୟ କରିଥାଏ ।
