Monday, November 16, 2026
17.6 C
Odisha

    ପ୍ରସବ ପରବର୍ତ୍ତୀ ଯତ୍ନ

    ଆଗକୁ ପଢନ୍ତୁ

    ଗର୍ଭାବସ୍ଥାରେ ମହିଳାଙ୍କ ସ୍ବାସ୍ଥ୍ୟ ଉପରେ ଅଧିକ ଧ୍ୟାନ ଦିଆଯାଏ । କିନ୍ତୁ ପ୍ରସବ ପରେ. ଯେତେବେଳେ ସେମାନେ ସ୍ତନ୍ୟପାନ କରାନ୍ତି, ତେବେ ସେତିକିବେଳେ ସମସ୍ତଙ୍କ ଧ୍ୟାନ କେବଳ ପିଲା ଉପରକୁ ଯାଏ । ମାଆ ଉପରେ କାହାର ଧ୍ୟାନ ହିଁ ନଥାଏ । ଯଦିଓ ସ୍ତନ୍ୟପାନ କରାଉଥିବା ମାଆ ଯାହା ଖାଆନ୍ତି ଏବଂ ପିଅନ୍ତି, ପିଲା ସେଥିରୁ ପୋଷଣ ପାଏ। ତେଣୁ ସେହି ସମୟରେ ମା’ଙ୍କ ସ୍ୱାସ୍ଥ୍ୟର ବିଶେଷ ଯତ୍ନ ନେବା ବହୁତ ଗୁରୁତ୍ୱପୂର୍ଣ୍ଣ। ତେବେ ଚାଲନ୍ତୁ ଜାଣିବା ଶିଶୁ ଜନ୍ମ ହେବା ପରେ ମହିଳାମାନେ ନିଜ ସ୍ୱାସ୍ଥ୍ୟ ପ୍ରତି କିପରି ଧ୍ୟାନ ଦେବା ଉଚିତ ?

    ସ୍ତନ୍ୟପାନ କରାଉଥିବା ମହିଳାଙ୍କ ଶରୀରରେ ଅନେକ ପ୍ରକାରର ପରିବର୍ତ୍ତନ ଘଟେ, ଯାହାକୁ ଗ୍ରହଣ କରିବା ପ୍ରାୟତଃ କଷ୍ଟକର ହୋଇପଡ଼େ। ସେମାନଙ୍କର ଓଜନ ବଢ଼ିବା ସହିତ କେଶ ଝଡ଼ିବା ଆରମ୍ଭ ହୋଇଯାଏ ଏବଂ କେତେକ ସମୟରେ ସନ୍ତାନର ଦାୟିତ୍ୱ ନେଇ ନେଇ ମା’ମାନେ ଡିପ୍ରେସନକୁ ମଧ୍ୟ ଚାଲିଯାଆନ୍ତି । ତେଣୁ, ସ୍ତନ୍ୟପାନ କରାଉଥିବା ମହିଳାମାନଙ୍କର ଏକ ବିଶେଷ ଦିନଚର୍ଯ୍ୟା ରହିବା ଉଚିତ ଯେଉଁଥିରେ ସେମାନେ ନିଜ ସ୍ୱାସ୍ଥ୍ୟକୁ ପ୍ରାଥମିକତା ଦେଇପାରିବେ ।

    ଡାକ୍ଟର ରିପୋର୍ଟ ଅନୁଯାୟୀ, ସ୍ତନ୍ୟପାନ କରାଉଥିବା ମହିଳାମାନଙ୍କ ମଧ୍ୟରେ ବାତ ଦୋଷ ବୃଦ୍ଧି ପାଏ, ଯାହା ସନ୍ତୁଳନ ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏଠାରେ କିଛି ସହଜ ଟିପ୍ସ ଦିଆଯାଇଛି, ଯାହା ସାହାଯ୍ୟରେ ସ୍ତନ୍ୟପାନ କରାଉଥିବା ମା’ମାନେ ସେମାନଙ୍କର ଦିନଚର୍ଯ୍ୟାକୁ ଉନ୍ନତ କରିପାରିବେ: ପ୍ରସବ ପରେ ପ୍ରାରମ୍ଭିକ ଦିନ:

    ପ୍ରସବ ପରେ ପ୍ରଥମ 7 ଦିନ ମହିଳାମାନେ ସମ୍ପୂର୍ଣ୍ଣ ବିଶ୍ରାମ ନେବା ଉଚିତ। ଏହା ଶରୀରକୁ ଶୀଘ୍ର ସୁସ୍ଥ କରିବାରେ ସାହାଯ୍ୟ କରେ। 7 ଦିନ ସମାପ୍ତ ହେବା ପରେ, ଆପଣ ଘରେ ଟିକେ ଟିକେ ବୁଲିବା ଆରମ୍ଭ କରନ୍ତୁ।

    ଆପଣଙ୍କ ଖାଦ୍ୟ କ’ଣ ହେବା ଉଚିତ : ଆପଣଙ୍କ ଖାଦ୍ୟରେ ପୁଷ୍ଟିକର ଖାଦ୍ୟ ସାମିଲ କରନ୍ତୁ, ଯାହା ଦ୍ୱାରା ଆପଣଙ୍କ ଶରୀର ସତେଜ ଅନୁଭବ କରିବ ଏବଂ ସ୍ତନ୍ୟପାନ ପାଇଁ କୌଣସି ବାହ୍ୟ ସାହାଯ୍ୟର ଆବଶ୍ୟକତା ରହିବ ନାହିଁ। ଶରୀରରେ ଭିଟାମିନ୍ ଡିର ଅଭାବ ହେବାକୁ ଦିଅନ୍ତୁ ନାହିଁ। ଏଥିପାଇଁ, ଆପଣ ପ୍ରତିଦିନ ଅଧ ଘଣ୍ଟା ପାଇଁ ସୂର୍ଯ୍ୟକିରଣରେ ବସନ୍ତୁ। ଯେତେବେଳେ ଆବଶ୍ୟକ ହୁଏ, ଘରର କାମରେ ଅନ୍ୟମାନଙ୍କ ସାହାଯ୍ୟ ନେବାକୁ ସଂକୋଚ କରନ୍ତୁ ନାହିଁ। ଘରର ସମସ୍ତ କାମ କରିବାର ଦାୟିତ୍ୱ ନିଜ ଉପରେ ନିଅନ୍ତୁ ନାହିଁ, କାରଣ ଏହି ସମୟ ଆପଣଙ୍କ ପାଇଁ କଷ୍ଟକର ହୋଇପାରେ।

    ନିଦ୍ରା ଏବଂ ନିଜ ପାଇଁ ସମୟ : ସ୍ତନ୍ୟପାନ କରାଉଥିବା ମାଆମାନେ ପ୍ରାୟତଃ ପର୍ଯ୍ୟାପ୍ତ ନିଦ ପାଆନ୍ତି ନାହିଁ। ତେଣୁ, ସେମାନଙ୍କୁ ଏକ କାର୍ଯ୍ୟସୂଚୀ ତିଆରି କରିବା ଉଚିତ ଯେଉଁଥିରେ ସେମାନେ ନିଜ ପାଇଁ କିଛି ସମୟ ବାହାର କରିପାରିବେ। ଆପଣଙ୍କ ଜୀବନସାଥୀଙ୍କ ସହ କଥା ହୋଇ ଆପଣଙ୍କ ଖାଦ୍ୟ ପାଇଁ ଏକ ସମୟ ସ୍ଥିର କରନ୍ତୁ ଏବଂ ସେହି ସମୟ ମଧ୍ୟରେ ପିଲାର ଦାୟିତ୍ୱ ତାଙ୍କୁ ହସ୍ତାନ୍ତର କରନ୍ତୁ, ଯାହା ଦ୍ୱାରା ଆପଣ ବିଶ୍ରାମ ନେଇପାରିବେ।

    ଶାରୀରିକ ସୁସ୍ଥତା ଏବଂ (belly wrap) : ପ୍ରସବ ପରେ, ସ୍ତନ୍ୟପାନ କରାଉଥିବା ମହିଳାଙ୍କ ଶରୀରରେ ବାତ ବୃଦ୍ଧି ପାଇବା କାରଣରୁ ପେଟରେ ପରିବର୍ତ୍ତନ ହୋଇପାରେ ଅର୍ଥାତ୍ ପେଟ ଅତ୍ୟଧିକ ଫୁଲିଯାଏ। ପେଟକୁ ପୂର୍ବଭଳି କରିବା ପାଇଁ ଆପଣ ବେଲି ର୍ୟାପ୍ ବ୍ୟବହାର କରିପାରିବେ। ଏହାର ବ୍ୟବହାର ଆପଣଙ୍କ ଶରୀରରେ ନିହାତି ପରିବର୍ତ୍ତନ ଆଣିବ ଏବଂ ଆପଣ ଆପଣଙ୍କ ପୂର୍ବ ଚେହେରା ଫେରିପାଇବେ ।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    17.6 ° C
    17.6 °
    17.6 °
    81 %
    1.2kmh
    86 %
    Mon
    27 °
    Tue
    26 °
    Wed
    25 °
    Thu
    21 °
    Fri
    19 °

    ସମ୍ବନ୍ଧିତ