ସୁସ୍ଥ ରହିବାକୁ କିଏ ବା ନ ଚାହେଁ । ସୁସ୍ଥ ରହିବାକୁ ତ ମଣିଷ କାଯ୍ୟ କରୁଛି । ଯଦି ଜଣେ ମଣିଷ ଖାଲି ଖାଲି ଘରେ ବସି ରହିଥାଏ, ତାହାଲେ ସେହି ଲୋକଙ୍କୁ ବହୁତ୍ ଶୀଘ୍ର ରୋଗ ମାଡି ବସିଥାଏ । ତେବେ ଏଥିପାଇଁ ଲୋକେମାନେ ବିଭିନ୍ନ ପ୍ରକାରର କାର୍ଯ୍ୟ କରି ନିଜ ସ୍ୱାସ୍ଥ୍ୟକୁ ସୁସ୍ଥ ରଖୁଛନ୍ତି । ଏଥିସହ ବର୍ତ୍ତମାନର ଲୋକମାନେ ଖାଲି ଖାଲି ଘରେ ବସିବାକୁ ମଧ୍ୟ ଭଲ ପାଉନାହିଁନ୍ତି । କାହିଁକି ନା ମଣିଷ ସ୍ୱାସ୍ଥ୍ୟକୁ ଜଗୁଛି ଏବଂ ସ୍ୱାସ୍ଥ୍ୟ ପାଇଁ କ’ଣ ଆବଶ୍ୟକ ତାହାକୁ ମଧ୍ୟ ତୁଲାଉଛି । ତେବେ ଆଜି ଆପଣଙ୍କୁ ଏକ ଖାସ୍ ବିଷୟରେ କହିବୁ, ଯାହା ଆପଣଙ୍କ ସ୍ୱାସ୍ଥ୍ୟକୁ ଭଲ ରଖିବାରେ ସାହାଯ୍ୟ କରିବ ଏବଂ ଆପଣ ସମ୍ପୂର୍ଣ୍ଣ ଫିଟ୍ ରହିପାରିବେ । ଆପଣମାନେ ନିଶ୍ଚିତ ଭାବରେ ଜାଣିଥିବେ ଯେ, ବର୍ତ୍ତମାନ ଲୋକମାନେ ବାହାର ଖାଦ୍ୟ ଅର୍ଥାତ୍ ଫାଷ୍ଟଫୁଡ୍ ଜାତୀୟ ଖାଦ୍ୟ ଖାଇ ନିଜ ସ୍ୱାସ୍ଥ୍ୟକୁ ଖରାପ କରୁଛନ୍ତି । ସବୁ ଜାଣି ବି ଲୋକେ ସଚେତନ ହେଉନାହାଁନ୍ତି । ଏଥି ସହ ବାହାର ଜିନିଷ ଖାଇବା ଦ୍ବାରା ଅନେକ ପ୍ରକାର ସମସ୍ୟା ଦେଖାଦେଇଥାଏ । ହେଲେ ଆଜି ଆପଣଙ୍କୁ ଏପରି କିଛି ଖାଦ୍ୟ ବିଷୟରେ କହିବୁ ଯାହାକୁ ଖାଇଲେ ଆପଣ ସମ୍ପୂର୍ଣ୍ଣ ସୁସ୍ଥ ରହିପାରିବେ ।
ଆପଣମାନେ ଜାଣିରଖନ୍ତୁ ଯେ, ପ୍ରୋଟିନ୍ ଅଭାବ ଯୋଗୁଁ, ଆପଣ ଅନେକ ସ୍ୱାସ୍ଥ୍ୟ ସମସ୍ୟାର ସମ୍ମୁଖୀନ ହୋଇପାରନ୍ତି । ଯଦି ଆପଣ ସାରା ଦିନ ଉର୍ଜାଳୁ ଅନୁଭବ କରିବାକୁ ଚାହାଁନ୍ତି, ତେବେ ଆପଣଙ୍କୁ କିଛି ପ୍ରୋଟିନ୍ ଯୁକ୍ତ ସୁପର ଫୁଡ୍ ଖାଇବା ଆରମ୍ଭ କରିବା ଉଚିତ । ହେଲେ, ଭଲ ଫଳାଫଳ ପାଇବା ପାଇଁ, ସୁପର ଫୁଡ୍ସକୁ ସଠିକ୍ ପରିମାଣରେ ଏବଂ ସଠିକ୍ ଉପାୟରେ ଡାଏଟ୍ ପ୍ଲାନର ଏକ ଅଂଶ କରିବା ମଧ୍ୟ ବହୁତ ଗୁରୁତ୍ୱପୂର୍ଣ୍ଣ ।
କ୍ଷୀର ଉତ୍ପାଦରେ ପ୍ରଚୁର ପରିମାଣର ପ୍ରୋଟିନ୍ ମିଳିଥାଏ । ପ୍ରୋଟିନ୍ ଅଭାବକୁ ଦୂର କରିବା ପାଇଁ କ୍ଷୀର, ଦହି କିମ୍ବା ପନିର ସେବନ କରାଯାଇପାରିବ । ଆପଣଙ୍କ ସୂଚନା ପାଇଁ, ଆମେ ଆପଣଙ୍କୁ କହି ରଖୁଛୁ ଯେ ଆୟୁର୍ବେଦ ଅନୁସାରେ, ଯଦି ଆପଣ ସକାଳ ଜଳଖିଆରେ କ୍ଷୀର, ଦହି କିମ୍ବା ପନିର ଖାଇବା ଆରମ୍ଭ କରନ୍ତି, ତେବେ ଆପଣ ଆପଣଙ୍କ ଶରୀରକୁ ଶକ୍ତିଶାଳୀ କରିପାରିବେ । ଆପଣ କ’ଣ ଜାଣନ୍ତି ଯେ ସୋୟାବିନ୍, ଚଣା ଏବଂ ରାଜମା ପ୍ରୋଟିନ୍ ଅଭାବ ଦୂର କରିବାରେ ବହୁତ ଲାଭଦାୟକ ସାବ୍ୟସ୍ତ ହୋଇପାରେ? ଏହା ବ୍ୟତୀତ, ଡାଲିରେ ମଧ୍ୟ ପ୍ରଚୁର ପରିମାଣର ପ୍ରୋଟିନ୍ ମିଳିଥାଏ । ଏହି କାରଣରୁ ଶରୀରକୁ ଶକ୍ତିଶାଳୀ ରଖିବା ପାଇଁ ବହୁ ଆଗାମୀ କାଳରୁ ଡାଲି ଖାଇବାକୁ ପରାମର୍ଶ ଦିଆଯାଇଆସୁଛି ।
ଶୁଖିଲା ଫଳ ଲାଭଦାୟକ ସାବ୍ୟସ୍ତ ହୋଇପାରେ :
ପ୍ରୋଟିନ୍ ଅଭାବ ଦୂର କରିବା ପାଇଁ ଶୁଖିଲା ଫଳ ସେବନ କରାଯାଇପାରିବ । କାଜୁ, ବାଦାମ ଏବଂ ପିସ୍ତା ଭଳି ପୁଷ୍ଟିକର ଭରପୂର ଶୁଖିଲା ଫଳ ମଧ୍ୟ ଆପଣଙ୍କ ଶକ୍ତି ବୃଦ୍ଧି କରିବାରେ ସହାୟକ ହୋଇପାରେ । ଏଥି ସହ ଅଣ୍ଡାରେ ମଧ୍ୟ ପ୍ରଚୁର ପରିମାଣର ପ୍ରୋଟିନ୍ ଥାଏ । ଶରୀରକୁ ଶକ୍ତିଶାଳୀ କରିବା ପାଇଁ, ଆପଣ ଏହି ସୁପର ଫୁଡ୍ସକୁ ସଠିକ୍ ପରିମାଣରେ ଏବଂ ସଠିକ୍ ଉପାୟରେ ଖାଇବା ଆରମ୍ଭ କରିପାରିବେ ।
