ଭୁବନେଶ୍ୱର : ପ୍ୟାରିସ ବିଶ୍ୱ ପାରା ଆଥଲେଟିକ୍ସ ଗ୍ରାଣ୍ଡପ୍ରିକ୍ସରେ ଓଡ଼ିଆ ଝିଅର କମାଲ। F-55 ଜାଭଲିନ୍ ଥ୍ରୋରେ ଓଡ଼ିଆ ଝିଅ ସୁଚିତ୍ରା ପରିଡ଼ା ଜିତିଲେ ରୌପ୍ୟ। ଭାରତ ପାଇଁ ପ୍ରତିନିଧିତ୍ୱ କରି ଦ୍ୱିତୀୟରେ ରହି ଜିତିଲେ ରୌପ୍ୟ। ପ୍ୟାରିସ 2025 ବିଶ୍ୱ ପାରା ଆଥଲେଟିକ୍ସ ଗ୍ରାଣ୍ଡପ୍ରିକ୍ସରେ ମହିଳା ଜାଭେଲିନ୍ ଥ୍ରୋ ଇଭେଣ୍ଟରେ ରୌପ୍ୟ ପଦକ ଜିତିବା ପାଇଁ ପାରା-ଆଥଲେଟିକ୍ସ ସେନସେସନ୍ ସୁଚିତ୍ରା ପରିଡାଙ୍କୁ ଓଡିଶା ମୁଖ୍ୟମନ୍ତ୍ରୀ ମୋହନ ମାଝୀ ହାର୍ଦ୍ଦିକ ଅଭିନନ୍ଦନ ଜଣାଇଛନ୍ତି।
ପରିଡାଙ୍କ ପ୍ରଭାବଶାଳୀ ପ୍ରଦର୍ଶନ ତାଙ୍କୁ 17.98 ମିଟର ବ୍ୟକ୍ତିଗତ ସର୍ବୋତ୍ତମ ଥ୍ରୋ ସହିତ ରୌପ୍ୟ ପଦକ ପ୍ରଦାନ କରିଛି। ଯାହା ତାଙ୍କୁ ତାଙ୍କ ବର୍ଗରେ ବିଶ୍ୱର ପ୍ରମୁଖ ଖେଳାଳିମାନଙ୍କ ମଧ୍ୟରେ ସ୍ଥାନ ଦେଇଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ପରିଡାଙ୍କ ସଫଳତାକୁ ପ୍ରଶଂସା କରି କହିଛନ୍ତି ଯେ ଏହା କେବଳ ଓଡ଼ିଶା ପାଇଁ ନୁହେଁ ବରଂ ସମଗ୍ର ଦେଶ ପାଇଁ ଗର୍ବ ଏବଂ ସମ୍ମାନ ଆଣିଛି। ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି ଯେ ପରିଡାଙ୍କ କଠିନ ପରିଶ୍ରମ, ଦୃଢ଼ ନିଷ୍ପତ୍ତି ଏବଂ କ୍ରୀଡା ପ୍ରତି ଆଗ୍ରହ ଆଗାମୀ ପିଢ଼ି ପାଇଁ ପ୍ରେରଣା ହେବ।
