ଭୁବନେଶ୍ୱର : ଆଗକୁ ବଜେଟ୍ ଅଧିବେଶନ। ତା ପୂର୍ବରୁ ଜୋର ଧରିଲାଣି ବୟାନବାଜି । ବିରୋଧୀଙ୍କୁ ତାଗିଦ୍ କଲେ ବାଚସ୍ପତି। ଗଠନ ମୂଳକ ଆଲୋଚନା କର। ବିଶୃଙ୍ଖଳିତ ଆଚରଣ କଲେ ହେବ କାର୍ଯ୍ୟାନୁଷ୍ଠାନ। ସେପଟେ ବାଚସ୍ପତିଙ୍କ ବୟାନକୁ ହାସ୍ୟାସ୍ପଦ ବୋଲି କହିଲେ ବିରୋଧୀ ଦଳ ଉପମୁଖ୍ୟସଚେତକ ପ୍ରତାପ ଦେବ। ବାଚସ୍ପତି ହେଉଛନ୍ତି ଗୃହର ମାଲିକ । କିଭଳି ଗୃହକୁ ପରିଚାଳନା କରିବେ ସେ ଦାୟିତ୍ବ ତାଙ୍କର ବୋଲି ବିଜେଡି ବିଧାୟକ ପ୍ରତାପ ଦେବ କହିଛନ୍ତି । ସେହିପରି ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ କହିଛନ୍ତି, ବିରୋଧୀଙ୍କ ସ୍ୱର ଚପାଇବା ପାଇଁ ବାଚସ୍ପତିଙ୍କ ଉଦ୍ୟମ । ନାଲି ଆଖି ଦେଖେଇଲେ ଚଳିବ ନାହିଁ । ବିରୋଧୀଙ୍କ ସ୍ୱର ବନ୍ଦ ହେବ ନାହିଁ।
ଫେବ୍ରୁଆରୀ ୧୩ରୁ ସପ୍ତଦଶ ବିଧାନସଭାର ତୃତୀୟ ଅଧିବେଶନ ଆରମ୍ଭ ହେବ । ପ୍ରଥମ ଦିନ ରାଜ୍ୟପାଳଙ୍କ ଅଭିଭାଷଣ ରହିବ । ୧୪ ଓ ୧୫ ଦୁଇ ଦିନ ଧରି ଅଭିଭାଷଣ ସମ୍ପର୍କିତ ଆଲୋଚନା ରହିବ । ଏଥର ୨୮ ଦିନ ରହିବ କାର୍ୟ୍ୟଦିବସ । ୧୭ ତାରିଖରେ ଆଗତ ହେଵ ବଜେଟ । ୨୦ ଓ ୨୧ ତାରିଖରେ ବଜେଟ ଉପରେ ସାଧାରଣ ଆଲୋଚନା ରହିଛି । ମାର୍ଚ୍ଚ ୭ରେ ସ୍ଥାୟୀ କମିଟି ରିପୋର୍ଟ ଉପସ୍ଥାପନ ହେବ ।
