ଏହି ଅବସରରେ ମୁଖ୍ୟମନ୍ତ୍ରୀ ବରଗଡ଼ ପାଇଁ ୧,୩୬୨ କୋଟି ଟଙ୍କାର ୧୨୩ଟି ପ୍ରକଳ୍ପର ଶୁଭାରମ୍ଭ କରିଛନ୍ତି । ଏଥିମଧ୍ୟରେ ୯୮୦ କୋଟିରୁ ଅଧିକ ଟଙ୍କାର ୮୫ଟି ପ୍ରକଳ୍ପର ଶିଳାନ୍ୟାସ ଏବଂ ୩୮ଟି ପ୍ରକଳ୍ପର ଉଦଘାଟନ ଅନ୍ତର୍ଭୁକ୍ତ । ଏହା ବାଦ ଜୀରା ନଦୀ ଉପରେ ଏକ ଏସଟିପି ସମେତ ୩୮୦ କୋଟି ଟଙ୍କାର ୪ଟି ନୂଆ ପ୍ରକଳ୍ପ ପାଇଁ ମଧ୍ୟ ସେ ଘୋଷଣା କରିଛନ୍ତି । ଦୁର୍ନୀତିଖୋର ଅଧିକାରୀମାନେ ନିଜର ବ୍ୟବହାର ସୁଧାରି ନିଅନ୍ତୁ, ନଚେତ୍ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଧନୁଯାତ୍ରା ମଞ୍ଚରୁ ତାଗିଦ କରିଛନ୍ତି ମୁଖ୍ୟମନ୍ତ୍ରୀ । ବରଗଡ଼ ଧନୁଯାତ୍ରାରେ ସାମିଲ ହୋଇ ମହାରାଜ କଂସଙ୍କୁ ମଥୁରାନଗରୀରର ବିକାଶ ପ୍ରକଳ୍ପର ହିସାବ ଦେଇଥିଲେ ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କ ଉତ୍ତରରେ ସନ୍ତୋଷ ପ୍ରକାଶ କରିଥିଲେ ମହାରାଜ କଂସ ।
