ବିନିକା ପୋଲିସକୁ ସଫଳତା , ୫ କେଜି ଗଞ୍ଜେଇ ଜବତ

ବିନିକା : ସୁବର୍ଣ୍ଣପୁର ଜିଲ୍ଲା ବିନିକା ବିଶାଳପାଳି ଛକରେ ଏକ ସ୍କୁଟି ଭିତରୁ ୫କେଜି ୨୦୦ଗ୍ରାମ ଗଞ୍ଜେଇ ଜବତ କରିଛି ବିନିକା ପୋଲିସ । ଘଟଣା କ୍ରମେ ସନ୍ଧ୍ୟା ସମୟରେ ବିନିକା ବିଶାଳ ପାଳି ଛକରେ ମୁକେଶ ନାମକ ମଧ୍ୟପ୍ରଦେଶର ଜଣେ ଯୁବକ ସ୍କୁଟି ନେଇ ବିନିକା ପଟରୁ ରାମପୁର ପଟକୁ ଯାଉଥିଲେ । ସେହି ସମୟରେ ହଠାତ୍ ଜଣେ ମୋଟରସାଇକେଲ ଆଇସ୍କ୍ରିମ୍ ବିକାଳୀ ସହ ଧକ୍କା ହୋଇଥିଲା । ଯାହା ଫଳରେ ମୁକେଶକୁ ଗଭୀର ଆଘାତ ଲାଗିଥିଲା । ବିନିକା ପୋଲିସ ଘଟଣାସ୍ଥଳରେ ପହଞ୍ଚି ମୁକେଶକୁ ଡାକ୍ତର ଖାନା ନେଇ ତାହାର ଚିକିତ୍ସା କରିଥିଲେ । ଯେତେବେଳେ ମୁକେଶର ସ୍କୁଟି ପାଖକୁ ଆସିଥିଲେ ସେଥିରୁ ଗଞ୍ଜେଇ ବାସ୍ନା ଆସିବାରୁ ମାଜିଷ୍ଟ୍ରେଟଙ୍କ ଉପସ୍ଥିତିରେ ଗାଡିକୁ ଯାଞ୍ଚ କରିଥିଲେ । ଗାଡିର ସିଟ୍ ଭିତରୁ ୫କେଜି ୨୦୦ଗ୍ରାମ ଗଞ୍ଜେଇ ଜବତ୍ କରିଥିଲେ ।