ନୂଆଦିଲ୍ଲୀ: ଟ୍ରମ୍ପ-ପୁଟିନଙ୍କ ମଧ୍ୟରେ ହଙ୍ଗେରୀର ବୁଦାପେଷ୍ଟରେ ହେବ ସିଧାସଳଖ ଆଲୋଚନା । ରୁଷ-ୟୁକ୍ରେନ ଯୁଦ୍ଧ ଶେଷ କରିବା ଲକ୍ଷ୍ୟରେ ଦୁଇ ସୁପରପାୱାର ରାଷ୍ଟ୍ରମୁଖ୍ୟଙ୍କ ମଧ୍ୟରେ ବୁଦାପେଷ୍ଟରେ ବୈଠକ ହେବ । ଏହି ବୈଠକ ପାଇଁ କୌଣସି ନିର୍ଦ୍ଦିଷ୍ଟତାରିଖ ସ୍ଥିର କରାଯାଇନାହିଁ । ଗତକାଲି ଟେଲିଫୋନରେ ରୁଷ ରାଷ୍ଟ୍ରପତି ପୁଟିନ ଓ ଆମେରିକା ରାଷ୍ଟ୍ରପତି ଟ୍ରମ୍ଫଙ୍କ ମଧ୍ୟରେ ଦୁଇ ଘଣ୍ଟା ଧରି ଆଲୋଚନା ହୋଇଥିଲା ।
ଏହାପରେ ବୁଦାପେଷ୍ଟରେ ଆଗାମୀ ବୈଠକ ନେଇ ଟ୍ରମ୍ପ ଘୋଷଣା କରିଛନ୍ତି । ଦୀର୍ଘ ଟେଲିଫୋନ ଆଲୋଚନା ଖୁବ ଭଲ ପ୍ରଗତି ହୋଇଥିବା ସେ କହିଛନ୍ତି। ଅନ୍ୟପକ୍ଷରେ ସିନେଟର ମାର୍କୋ ରୁବିଓଙ୍କ ନେତୃତ୍ୱରେ ଆସନ୍ତା ସପ୍ତାହରେ ଆମେରିକା-ଋଷ ମଧ୍ୟରେ ଉଚ୍ଚସ୍ତରୀୟ ଆଲୋଚନା ହେବ । ହ୍ୱାଇଟ୍ ହାଉସ୍ ମୁଖପାତ୍ର କହିଛନ୍ତି ଯେ ପୁଟିନ୍-ଟ୍ରମ୍ପଙ୍କ ମଧ୍ୟରେ କଥାବାର୍ତ୍ତା ୨ ଘଣ୍ଟାରୁ ଅଧିକ ସମୟ ଧରି ଚାଲିଥିଲା। ଆଲୋଚନା ବେଶ ସକାରାତ୍ମକ ରହିଥିବା ସେ କହିଛନ୍ତି ।
