ବେକରେ ଭୁଜାଲି ଲଗେଇ ଲୁଟି ନେଲେ ୨୫ଲକ୍ଷ ଟଙ୍କାର ସୁନା ଓ ରୁପା ଅଳଙ୍କାର

ଆଳି : ଘରଲୋକଙ୍କ ବେକରେ ଭୁଜାଲି ଲଗେଇ ଲୁଟି ନେଲେ ୨୫ଲକ୍ଷ ଟଙ୍କାର ସୁନା ଓ ରୁପା ଅଳଙ୍କାର । କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ଖଣ୍ଡିଆପାଟଣା ଗାଁରେ ଧନେଶ୍ୱର ରାଉତଙ୍କ ଘରୁ ଗତକାଲି ରାତି ୮ଟା ସମୟରେ ଡକାୟତି ହୋଇଛି । ୧୨ଜଣ ଦୁର୍ବୃତ୍ତ ପଛପଟ ଦ୍ୱାର ଦେଇ ଘର ଭିରକୁ ପ୍ରବେଶ କରିଥିଲେ । ପରେ ଘରଲୋକଙ୍କ ବେକରେ ଭୁଜାଲି ଓ ତରୁଆଲ ଲଗେଇ ସମସ୍ତଙ୍କୁ ଏକ ଘରେ ପୁରାଇ ଦେଇଥିଲେ । ଏହାପରରେ ଘରେ ଥିବା ଗଡରେଜ ଲକର ଭାଙ୍ଗି ସୁନା, ରୁପା, ଓ ନଗଦ ୯୫ହାଜର ଟଙ୍କା ଲୁଟିନେଇ ଥିଲେ । ଲୁଟ ହୋଇଥିବା ସୁନା ଓ ରୁପା ଅଳଙ୍କାର ଆନୁମାନିକ ମୂଲ୍ୟ ପ୍ରାୟ ୨୫ଲକ୍ଷ ଟଙ୍କା ହେବ । ଏନେଇ ଆଳି ପୋଲିସକୁ ଖବର ଦିଆଯିବା ପରେ ପୋଲିସ ପହଁଚି ଘଟଣାର ତଦନ୍ତ ଆରମ୍ଭ କରିଛି ।