ରାଜନଗର : ଅବକାରୀ ବିଭାଗ କବଜାରେ ଧଳା ଜହର ବେପାରୀ । ଧଳା ଜହର ସହ ଜଣଙ୍କୁ ଗିରଫ କଲା ପଟ୍ଟାମୁଣ୍ଡାଇ ଅବକାରୀ ସ୍ପେସିଆଲ ସ୍କ୍ୱାର୍ଡ । ଗିରଫ ଅଭିଯୁକ୍ତ ହେଲେ ପଟ୍ଟାମୁଣ୍ଡାଇ ବ୍ଲକ ନିମପୁର ଗ୍ରାମର ବିଶ୍ୱଜିତ ଦାସ । ଅଭିଯୁକ୍ତ ପାଖରୁ ୪୫ ଗ୍ରାମ ର ଧଳା ଜହର ଜବତ ସହ ଗୋଟେ ସ୍କୁଟି ଗାଡିକୁ ମଧ୍ୟ ଜବତ କରିଛି ଅବକାରୀ ବିଭାଗ । ଜବତ ହୋଇଥିବା ଧଳା ଜହର ର ଆନୁମାନିକ ମୂଲ୍ୟ ପାଖାପାଖି ୪ଲକ୍ଷ ୫୦ହଜାର ଟଙ୍କା ବୋଲି ଜଣା ପଡିଛି । ସୂଚନା ଥାଉକି ଜିଲ୍ଲା ଅବକାରୀ ଏସପିଙ୍କ ନିର୍ଦେଶ କ୍ରମେ ଆଜି ପଟ୍ଟାମୁଣ୍ଡାଇ ଅବକାରୀ ବିଭାଗର ବିଭିନ୍ନ ଯାଗାରେ ଚଢ଼ାଉ ହୋଇଛି ।
ପରେ ବିଶେଷ ସୂତ୍ରରୁ ଖବର ପାଇ ପଟ୍ଟାମୁଣ୍ଡାଇ ବ୍ଲକ ନିମପୁର ଗ୍ରାମ ନିକଟରେ ଅତର୍କିତ ଚଢ଼ାଉ କରି ଅଭିଯୁକ୍ତକୁ ଧରିବାରେ ସଫଳ ହୋଇଛି । ଅନ୍ୟପଟେ ଦୀର୍ଘ ଦିନ ହେବ ପଟ୍ଟାମୁଣ୍ଡାଇରେ ବଢ଼ି ଚାଲିଛି ଧଳା ଜହର କାରବାର । ଯାହାକୁ ନେଇ ପଟ୍ଟାମୁଣ୍ଡାଇ ବାସୀଙ୍କ ମନରେ ଅସନ୍ତୋଷ ବଢିଥିଲା । ପଟ୍ଟାମୁଣ୍ଡାଇ ର ଯୁବପିଢ଼ି ଓ ସ୍କୁଲ ଛାତ୍ର ମାନେ ଏହାର ଶିକାର ହୋଇ ଦିନକୁଦିନ ବିପଥଗାମୀ ହେଉଥିଲେ । ସେନେଇ ଆକ୍ସନ ମୋଡ଼ରେ ଜିଲ୍ଲା ଅବକାରୀ ବିଭାଗ ।
ଅବକାରୀ ବିଭାଗର ଏକ ଟିମ ବିଶେଷ କରି ବ୍ରାଉନ ସୁଗାର ବେପାରୀଙ୍କ ଉପରେ ଲକ୍ଷ୍ୟ ରଖିଥିଲା । ତେବେ ଆଜି ଅବକାରୀ ବିଭାଗକୁ ମିଳିଛି ବଡ଼ ସଫଳତା । ବିଶେଷ ସୂତ୍ରରୁ ଖବର ପାଇ ପଟ୍ଟାମୁଣ୍ଡାଇ ଅବକାରୀ ବିଭାଗ ର ଉପନିରୀକ୍ଷକ ଋତୁପ୍ରଭା ସ୍ୱାଇଁ ନିଜ ର ଟିମ ସହ ଚଢ଼ାଉ କରି ବ୍ରାଉନ ସୁଗାର ବେପାରୀକୁ ଧରିବାରେ ସଫଳ ହୋଇଛନ୍ତି । ତେବେ ଅଭିଯୁକ୍ତ କୁ ଅବକାରୀ ବିଭାଗ କୋର୍ଟ ଚାଲାଣ କରିଥିବା ବେଳେ ତାଙ୍କ ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି ।
