ଭୁବନେଶ୍ୱର : ପୁଣି ବ୍ଲାକ ଥାର୍ ଆତଙ୍କ ଖେଳାଇଲା ଭୁବନେଶ୍ୱର ଉପକଣ୍ଠରେ । ନିଶାସକ୍ତ ଅବସ୍ଥାରେ ଥାର୍ ଡ୍ରାଇଭରର କାରନାମା । ଭୁବନେଶ୍ୱର ଉପକଣ୍ଠ ବାଲିଅନ୍ତା ଥାନା ରଙ୍ଗବଜାରରେ ଘଟିଛି ଘଟଣା । ନିଶାସକ୍ତ ଅବସ୍ଥାରେ ଭାରସାମ୍ୟ ହରାଇ ଦୋକାନ ଭିତରକୁ ପଶିଗଲା ଥାର୍ ।
ଦ୍ରୁତଗାମୀ ଥାର୍ ବନ୍ଦ ଥିବା ଗ୍ରୋସରୀ ଦୋକାନକୁ ଧସେଇ ପସିଥିଲା । ସଟର ଭାଙ୍ଗି ଗାଡିଟି ଦୋକାନ ଭିତରେ ପଶିଯାଇଥିଲା । ଦୁର୍ଘଟଣା ଯୋଗୁ ଅଳ୍ପକେ ବର୍ତ୍ତି ଯାଇଛନ୍ତି ସାଧାରଣ ଲୋକ । କିଛି ସମୟ ପାଇଁ ସ୍ଥାନୀୟ ଅଞ୍ଚଳରେ ଦେଖିବାକୁ ମିଳିଥିଲା ଉତେଜନା । ଘଟଣା ସ୍ଥଳରେ ବାଲିଅନ୍ତା ଥାନା ପୋଲିସ ପହଞ୍ଚି ଦୁର୍ଘଟଣା ଘଟଇଥିବା ଗାଡିକୁ ଜବତ କରିଛି । ଦୁର୍ଘଟଣାରେ କେହି ମୃତାହତ ହୋଇ ନାହାଁନ୍ତି ।
