ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ହେଲ୍ଥ ଦ୍ୱାରା ପ୍ରକାଶିତ ଏକ ଅଧ୍ୟୟନ ଅନୁଯାୟୀ, ୨୦୨୩ ମସିହାରେ ସୁଗନ୍ଧିତ ମହମବତୀ ବ୍ୟବହାର କରିଥିବା ୨୪.୮% ଲୋକଙ୍କର ସ୍ୱାସ୍ଥ୍ୟ ସମସ୍ୟା ହୋଇଥିଲା । ପ୍ରତିବର୍ଷ ଭାରତରେ ଲକ୍ଷ ଲକ୍ଷ ମହମବତୀ ବିକ୍ରି ହୁଏ, କିନ୍ତୁ ଅଧିକାଂଶ ଲୋକ ଏଥିରେ ଥିବା କ୍ଷତିକାରକ ରାସାୟନିକ ପଦାର୍ଥ ବିଷୟରେ ଜାଣନ୍ତି ନାହିଁ । ଭାନିଲା, ଲାଭେଣ୍ଡର, ଡାଲିଚିନି ଭଳି ସୁଗନ୍ଧିତ ମହମବତୀ ରେ ବ୍ୟବହୃତ କୃତ୍ରିମ ସୁଗନ୍ଧ ଏବଂ ପାରାଫିନ୍ ମହମ ଜଳିଲେ, ଏହା ଏକ ଅସ୍ଥିର ଜୈବ ଯୌଗିକ (Volatile Organic Compounds) ଏବଂ Phthalates ଛାଡ଼ନ୍ତି । ଯାହା ବାୟୁରେ ମିଶି ଶ୍ଵାସକ୍ରୀୟା ମାଧ୍ୟମରେ ଫୁସ୍ଫୁସ୍ ଏବଂ ରକ୍ତରେ ପହଞ୍ଚିଥାଏ । ଯାହାଯୋଗୁଁ ହରମୋନ୍ ଅସନ୍ତୁଳନ, ଶ୍ୱାସକ୍ରିୟା ସମସ୍ୟା ଏବଂ କର୍କଟ ରୋଗର ଆଶଙ୍କା ମଧ୍ୟ ବଢ଼ାଇପାରେ । Phthalates ହେଉଛି ପ୍ଲାଷ୍ଟିକ୍ ଏବଂ ସୁଗନ୍ଧ ଉତ୍ପାଦରେ ବ୍ୟବହୃତ ଏକ ପ୍ରକାରର ରାସାୟନିକ ପଦାର୍ଥ । ସୁଗନ୍ଧ ଅଧିକ ସମୟ ରହିବା ପାଇଁ ଏହାକୁ ମହମବତୀରେ ମିଶାଯାଏ । ଏଗୁଡ଼ିକ ହରମୋନ୍ର ନକଲ କରନ୍ତି କିମ୍ବା ସେମାନଙ୍କର ନିର୍ଗତ ହେବାକୁ ରୋକି ଦିଅନ୍ତି, ଯାହା ଶରୀରର ପ୍ରାକୃତିକ ସନ୍ତୁଳନରେ ବଡ଼ ପ୍ରଭାବ ପକାଏ । ଯଦି ଆପଣ ପ୍ରତିଦିନ ଏହି ମହମବତୀ ଜାଳନ୍ତି, ତେବେ ଏହି ରାସାୟନିକ ପଦାର୍ଥଗୁଡ଼ିକ ଆପଣଙ୍କ ରକ୍ତପ୍ରବାହରେ ଜମା ହୋଇ ଥାଇରଏଡ୍ ଏବଂ ଇନସୁଲିନ୍ ଭଳି ହରମୋନ୍କୁ ପ୍ରଭାବିତ କରିପାରେ। ଏହି ରାସାୟନିକ ପଦାର୍ଥଗୁଡ଼ିକ ଫୁସଫୁସ, ଯକୃତ ଏବଂ ପ୍ରଜନନ ପ୍ରଣାଳୀକୁ କ୍ଷତି ପହଞ୍ଚାଏ । ତେବେ ଜାଣନ୍ତୁ ଏହା ଆମ ଶରୀରରେ ଏହାର କେଉଁ ବିଶେଷ ପ୍ରଭାବ ରହିଛି ।
ଗର୍ଭାବସ୍ଥାରେ ଏହା ବିପଦପୂର୍ଣ୍ଣ : ଗର୍ଭାବସ୍ଥା ସମୟରେ ମହିଳାଙ୍କ ଶରୀରରେ ପୂର୍ବାପେକ୍ଷା ହରମୋନ୍ ପରିବର୍ତ୍ତନ କରେ । ଏହି ସମୟରେ ଶରୀରରେ Phthalates ପ୍ରାବେଶ ଯୋଗୁଁ ଅକାଳ ପ୍ରସବ, ପ୍ରିକ୍ଲାମ୍ପସିଆ ବା ମୃତଶିଶୁ ଜନ୍ମ ହେବାର ବିପଦ ବଢ଼ିଥାଏ । ଏହି ରାସାୟନିକ ପଦାର୍ଥଗୁଡ଼ିକ ପ୍ଲାସେଣ୍ଟା ମାଧ୍ୟମରେ ଶିଶୁ ପାଖରେ ପହଞ୍ଚେ ଏବଂ ବିକାଶକୁ ପ୍ରଭାବିତ କରେ । ଆପଣଙ୍କ ଘରକୁ ସୁନ୍ଦର କରିବା ପାଇଁ ଜାଳୁଥିବା ମହମବତୀ ଆପଣଙ୍କ ଶିଶୁର ସ୍ୱାସ୍ଥ୍ୟକୁ ପ୍ରଭାବିତ କରେ । ତେଣୁ ଗର୍ଭବତୀ ମହିଳାମାନେ ଏହାଠାରୁ ସମ୍ପୂର୍ଣ୍ଣ ଭାବରେ ରୂରେଇ ରହିବା ଉଚିତ।
ଛୋଟ ପିଲାଙ୍କ ଉପରେ ପ୍ରଭାବ : ପିଲାମାନଙ୍କ ଶରୀର ସବୁଠାରୁ ଅଧିକ ସମ୍ବେଦନଶୀଳ । ଏହି ମହମବତୀ ବ୍ୟବହାର ଯୋଗୁଁ ନିର୍ଗତ EDCs ପିଲାମାନଙ୍କ ମଧ୍ୟରେ ଅକାଳ ଯୌବନ ସୃଷ୍ଟି କରେ । ଝିଅମାନଙ୍କ କ୍ଷେତ୍ରରେ ମାତ୍ର ୮ବର୍ଷ ବୟସରୁ ପରିବର୍ତ୍ତନ ଆରମ୍ଭ ହୁଏ । ଏହା ଦୀର୍ଘ ସମୟ ପାଇଁ ହରମୋନ୍ ଅସନ୍ତୁଳନ ସୃଷ୍ଟି କରେ, ମାନସିକ ଏବଂ ଶାରୀରିକ ବିକାଶକୁ ପ୍ରଭାବିତ କରେ। ଏକ ଅଧ୍ୟୟନରୁ ଜଣାପଡିଛି ଯେ ପରିବେଶଗତ ରାସାୟନିକ ପଦାର୍ଥ ଏପରି ୨୦% ମାମଲା ପାଇଁ ଦାୟୀ । ପିତାମାତା ଭାବନ୍ତି ଯେ ମହମବତୀ କୋଠରୀକୁ ସୁନ୍ଦର କରାଇବ, କିନ୍ତୁ ସେମାନେ ଜାଣି ପାରନ୍ତି ନାହିଁ ଯେ ଏହା ତାଙ୍କ ପିଲାମାନଙ୍କ ସ୍ୱାସ୍ଥ୍ୟ ଉପରେ ଚାପ ପକାଉଛି । ତେଣୁ, ଘରେ ପିଲାମାନଙ୍କ ପାଖରେ ଏପରି ମହମବତୀ ଜଳାନ୍ତୁ ନାହିଁ ।
ମୋଟାପଣ ଏବଂ ମଧୁମେହ : Phthalates ଇନସୁଲିନ୍କୁ ପ୍ରତିରୋଧ କରେ । ଦୀର୍ଘ ସମୟ ବ୍ୟବହାର ପ୍ରଭାବରେ ମଧୁମେହ ଏବଂ ମେଟାବୋଲିକ୍ ସିଣ୍ଡ୍ରୋମର ବିପଦ ବୃଦ୍ଧି କରେ। ଏହି ରାସାୟନିକ ପଦାର୍ଥ ଚର୍ବି କୋଷଗୁଡ଼ିକୁ ବଢ଼ିବାରେ ସାହାଯ୍ୟ କରେ, ଯାହା ଓଜନ ବୃଦ୍ଧି କରେ। ଏପରି ରାସାୟନିକ ପଦାର୍ଥ ମୋଟାପଣ ବିପଦ ବୃଦ୍ଧି କରେ ଏବଂ ଅଣ୍ଟାର ପରିଧିକୁ ବୃଦ୍ଧି କରିପାରେ। । ଯଦି ଆପଣଙ୍କର ପୂର୍ବରୁ ମଧୁମେହ ଅଛି, ତେବେ ଏହା ଆପଣଙ୍କ ସ୍ଵାସ୍ଥ୍ୟକୁ ଆହୁରି ଖରାପ କରିବ ।
ପ୍ରଜନନ ଶକ୍ତି ଉପରେ ଏହାର ପ୍ରଭାବ : ପରିବାର ଯୋଜନା କରୁଥିବା ବ୍ୟକ୍ତିଙ୍କ ପାଇଁ ଏହି ମହମବତୀ ଏକ ବଡ଼ ବିପଦ ସୃଷ୍ଟି କରେ । Phthalates ପୁରୁଷମାନଙ୍କ ଶୁକ୍ରାଣୁ ସଂଖ୍ୟା ଏବଂ ଗୁଣବତ୍ତା ହ୍ରାସ କରେ, ଏବଂ ମହିଳାଙ୍କଠାରେ ଡିମ୍ବାଣୁକୁ କ୍ଷତି ପହଞ୍ଚାଏ । ପ୍ରଜନନ କ୍ଲିନିକ୍ ଗୁଡ଼ିକୁ ଆସୁଥିବା ଏହିପରି ମାମଲାର ୩୦% ଏହି ରାସାୟନିକ ପଦାର୍ଥଗୁଡ଼ିକର ସଂସ୍ପର୍ଶର କାରଣ ହୋଇଥାନ୍ତି । ଏହି ରାସାୟନିକ ପଦାର୍ଥଗୁଡ଼ିକ ହରମୋନଗୁଡ଼ିକୁ ଅବରୋଧ କରନ୍ତି ଏବଂ ପ୍ରଜନନ କ୍ଷମତା ହ୍ରାସ କରନ୍ତି। ଯଦି ଆପଣ ଏକ ଶିଶୁ ଯୋଜନା କରୁଛନ୍ତି, ତେବେ ଆପଣଙ୍କ ଘରୁ ଏପରି ମହମବତୀଗୁଡ଼ିକୁ ବାହାର କରନ୍ତୁ ।
ତେଣୁ ଏହି ସୁଗନ୍ଧିତ ମହମବତୀ ଠାରୁ ଦୁରେଇ ରୁହନ୍ତୁ ଏପରିକି କ୍ଷଣିକ ସମୟ ପାଇଁ ମଧ୍ୟ ଏହା ପ୍ରଭାବଶାଳୀ ହୋଇପାରେ । ଯଦି ଆପଣ ମୁଣ୍ଡବିନ୍ଧା, ଶ୍ୱାସକ୍ରିୟା ସମସ୍ୟା କିମ୍ବା ହରମୋନ ସମସ୍ୟା ଦେଖୁଛନ୍ତି, ତେବେ ଡାକ୍ତରଙ୍କ ପରାମର୍ଶ ନିଅନ୍ତୁ । ଯଦି ଆପଣ ସନ୍ଦେହ କରୁଛନ୍ତି ଯେ ସୁଗନ୍ଧିତ ମହମବତୀ ଯୋଗୁଁ ଆପଣଙ୍କର କିଛି ସମସ୍ୟା ସୃଷ୍ଟି ହୋଇଛି, ତେବେ ରକ୍ତ ପରୀକ୍ଷା କରି ରାସାୟନିକ ପଦାର୍ଥଗୁଡ଼ିକୁ ଚିହ୍ନଟ କରନ୍ତୁ ।
