ମଦ୍ୟପ ସ୍ୱାମୀର ଉନ୍ମତ୍ତ କାଣ୍ଡ, ସ୍ତ୍ରୀକୁ କଲା ଗୁଳି

ବଲାଙ୍ଗିର : ମଦ୍ୟପ ସ୍ୱାମୀର ଉନ୍ମତ୍ତ କାଣ୍ଡ। ସ୍ତ୍ରୀକୁ ଗୁଳି କଲା ମଦ୍ୟପ ସ୍ୱାମୀ। ସ୍ତ୍ରୀ ଗୁରୁତର ହୋଇ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି ହୋଇଛନ୍ତି । ପାଟଣାଗଡ଼ ଥାନା ଚୁଲ୍ହାଦର୍ହ ଗ୍ରାମରେ ଘଟିଛି ଏହି ଅଘଟଣ। ଚୁଲ୍ହାଦର୍ହ ଗାଁର ପ୍ରହଲ୍ଲାଦ ମଲ୍ଲିକ ଚଢେଇ ମରା ବନ୍ଧୁକରେ ସ୍ତ୍ରୀଙ୍କ ଛାତିକୁ ଗୁଳି କରିଛି । ଉଭୟଙ୍କ ମଧ୍ୟରେ ବଚସାରୁ ଗୁଳିକାଣ୍ଡ ହୋଇଥିବା ସୂଚନା ମିଳିଛି । ଅଭିଯୁକ୍ତ ସ୍ୱାମୀକୁ ଗିରଫ କରିଛି ପାଟଣାଗଡ଼ ପୋଲିସ।