ଅଣଦେଖା କରନ୍ତୁ ନାହିଁ ଏହି ସମସ୍ୟାଗୁଡ଼ିକୁ:
୭ ଦିନରୁ ଅଧିକ ସମୟ ପିରିୟଡ୍ସ ହେବା: ଯଦି ୭ ଦିନରୁ ଅଧିକ ସମୟ ଧରି ପିରିୟଡ୍ସ ଚାଲେ, ତେବେ ଏହି ସମସ୍ୟାକୁ ଅଣଦେଖା କରିବା ପରିବର୍ତ୍ତେ ଡାକ୍ତରଙ୍କୁ ଭେଟିବା ଜରୁରୀ।
ସ୍ପଟ୍ଟିଂ ହେବା: ଯଦି ୨ଟି ପିରିୟଡ୍ସ ମଝିରେ ସ୍ପଟ୍ଟିଂ ହୁଏ କିମ୍ବା ପିରିୟଡ୍ସ ଶେଷ ହେବା ପରେ ଓ ଆରମ୍ଭ ହେବା ପୂର୍ବରୁ ରକ୍ତସ୍ରାବ ଦେଖାଯାଏ, ତେବେ ଏହା କୌଣସି ସମସ୍ୟା ଯୋଗୁଁ ହୋଇପାରେ। ଏହା ସାଧାରଣ କଥା ନୁହେଁ।
ହେଭି ଫ୍ଲୋ: ପିରିୟଡ୍ସ ଯଦି ଏତେ ଅଧିକ ହେଉଛି ଯେ ପ୍ରତି ଘଣ୍ଟାରେ ପ୍ୟାଡ୍ ବଦଳାଇବାକୁ ପଡ଼ୁଛି, ତେବେ ଏହାକୁ ଅବହେଳା କରନ୍ତୁ ନାହିଁ। ଏତେ ଅଧିକ ହେଭି ଫ୍ଲୋ ସମସ୍ତଙ୍କର ହୋଇନଥାଏ।
ପ୍ରବଳ ଯନ୍ତ୍ରଣା: ପିରିୟଡ୍ସ ସମୟରେ ଯଦି ଆପଣଙ୍କୁ ଏତେ ଜୋରରେ ଯନ୍ତ୍ରଣା ହେଉଛି ଯେ ଆପଣଙ୍କ ସାଧାରଣ ଦୈନନ୍ଦିନ ଜୀବନ ବାଧାପ୍ରାପ୍ତ ହେଉଛି, ତେବେ ଏହି ସମସ୍ୟାକୁ ହାଲୁକା ଭାବେ ନିଅନ୍ତୁ ନାହିଁ।
ପିରିୟଡ୍ସ ମିସ୍ ହେବା: ଗର୍ଭାବସ୍ଥା ବ୍ୟତୀତ ଯଦି ପିରିୟଡ୍ସ କେତେକ ମାସ ଧରି ଆସୁନାହିଁ, ତେବେ ଏହା କେବଳ ଚିନ୍ତା/ଷ୍ଟ୍ରେସ୍ ଯୋଗୁଁ ନୁହେଁ, ବରଂ ଏହାର ପ୍ରକୃତ କାରଣ ଖୋଜିବା ଜରୁରୀ।
କେଉଁ କେଉଁ ରୋଗର ଲକ୍ଷଣ ହୋଇପାରେ?
PCOS (ପୋଲିସିଷ୍ଟିକ୍ ଓଭାରି ସିଣ୍ଡ୍ରୋମ୍): ହରମୋନ୍ର ଅସନ୍ତୁଳନ, ପିରିୟଡ୍ସ ନହେବା, ବହୁତ କମ୍ ପିରିୟଡ୍ସ ହେବା କିମ୍ବା କେବେକେବେ ପିରିୟଡ୍ସ ହେବା ଭଳି ସମସ୍ୟାର କାରଣ ହୋଇପାରେ।
ଥାଇରଏଡ୍ ଡିସଅର୍ଡର୍: ଥାଇରଏଡ୍ ସମସ୍ୟାରେ ପିରିୟଡ୍ ସାଇକେଲ୍ ବିଗିଡ଼ିପାରେ। ଏଥିରେ ବହୁତ ଅଧିକ କିମ୍ବା ବହୁତ କମ୍ ପିରିୟଡ୍ସ ଆସିପାରେ।
ଏଣ୍ଡୋମେଟ୍ରିଓସିସ୍: ଜରାୟୁର ଭିତର ପାଚେରୀରେ ନନ୍-କ୍ୟାନ୍ସରସ୍ ଗ୍ରୋଥ୍ ହେବାକୁ ଲାଗେ, ଯାହା ଯୋଗୁଁ ହେଭି ପିରିୟଡ୍ସ ହୋଇପାରେ କିମ୍ବା ପିରିୟଡ୍ସ ସମୟରେ ଆବଶ୍ୟକତାରୁ ଅଧିକ ଯନ୍ତ୍ରଣା ଅନୁଭବ ହୋଇପାରେ।
ପେଲଭିକ୍ ଇନ୍ଫ୍ଲାମେଟୋରୀ ଡିଜିଜ୍: ଏହା ଏକ ବ୍ୟାକ୍ଟେରିଆଲ୍ ସଂକ୍ରମଣ, ଯାହା ପ୍ରଜନନ ଅଙ୍ଗଗୁଡ଼ିକୁ ପ୍ରଭାବିତ କରିଥାଏ। ଏହାଦ୍ୱାରା ପେଲଭିକ୍ ଫ୍ଲୋରରେ ଯନ୍ତ୍ରଣା ହୁଏ ଏବଂ ପିରିୟଡ୍ସରେ ଅସାଧାରଣ ରକ୍ତସ୍ରାବ ହୋଇପାରେ।
କ୍ୟାନ୍ସର: ୟୁଟେରାଇନ୍ କ୍ୟାନ୍ସର, ସର୍ଭାଇକାଲ୍ କ୍ୟାନ୍ସର ଏବଂ ଓଭାରିଆନ୍ କ୍ୟାନ୍ସର ସିଧାସଳଖ ମହିଳାଙ୍କ ପିରିୟଡ୍ସକୁ ପ୍ରଭାବିତ କରିଥାଏ। କ୍ୟାନ୍ସର କାରଣରୁ ସ୍ପଟ୍ଟିଂ, ଦୁଇଟି ପିରିୟଡ୍ସ ମଝିରେ ରକ୍ତସ୍ରାବ, ହେଭି ଫ୍ଲୋ, ଅନିୟମିତ ପିରିୟଡ୍ସ, ଅସାଧାରଣ ଡିସ୍ଚାର୍ଜ କିମ୍ବା ପ୍ରବଳ ଯନ୍ତ୍ରଣା ଭଳି ସମସ୍ୟା ଦେଖାଦେଇଥାଏ।
HIV/AIDS: ଏଚ୍ଆଇଭି କିମ୍ବା ଏଡ୍ସ ହେଲେ ପିରିୟଡ୍ସରେ ପରିବର୍ତ୍ତନ ନଜର ଆସିଥାଏ। ପିରିୟଡ୍ସ ଅନିୟମିତ ହୋଇପାରେ କିମ୍ବା କେତେକ ମାସ ପର୍ଯ୍ୟନ୍ତ ପିରିୟଡ୍ସ ନଆସିବା କିମ୍ବା ଅତ୍ୟଧିକ ହେଭି ଫ୍ଲୋ ହେବା ମଧ୍ୟ ଏହାର ଲକ୍ଷଣ ହୋଇପାରେ।
