କଟକ : ମୁଣ୍ଡଳୀରେ ବଢୁଛି ମହାନଦୀ ଜଳସ୍ତର। ହୀରାକୁଦରେ ଖୋଲିଥିବା ୨୨ ଟି ଗେଟ୍ ର ବନ୍ୟାଜଳ ଆସି ମୁଣ୍ଡଳୀରେ ପହଁଚିଛି । ଆଜି ସକାଳ ୬ ଟା ସୁଦ୍ଧା ମୁଣ୍ଡଳୀରେ ୫ ଲକ୍ଷ ୩୭ ହଜାର ୮୮ କ୍ୟୁସେକ୍ ବନ୍ୟାଜଳ ପ୍ରବାହିତ ହେଉଛି । ଉପର ମୁଣ୍ଡରେ ଜଳସ୍ତର ୮୮.୩୦ ଫୁଟ୍ ଥିବାବେଳେ ତଳ ମୁଣ୍ଡରେ ୮୫.୮୦ ଫୁଟ୍ ରହିଛି । ଗତକାଲି ଠାରୁ ଜଳସ୍ତର ଧିରେ ଧିରେ ହ୍ରାସ ପାଇ ମୁଣ୍ଡଳୀରେ ୪ ଲକ୍ଷ ୭୪ ହଜାରରେ ପହଞ୍ଚିଥିଲ । ବିଳମ୍ବିତ ରାତି ପ୍ରାୟ ୩ ଟାରୁ ପୁଣି ଜଳସ୍ତର ଧିରେ ଧିରେ ବୃଦ୍ଧି ପାଇବାରେ ଲାଗିଛି।
ସେହିପରି ନରାଜରେ ୨ ଲକ୍ଷ ୭୮ ହଜାର ୩୪୮ କ୍ୟୁସେକ ବନ୍ୟାଜଳ ପ୍ରବାହିତ ହେଉଛି। ନରାଜର ଉପର ମୁଣ୍ଡରେ ୨୫.୨୫ ମିଟର ଜଳସ୍ତର ରହିଥିବା ବେଳେ ତଳ ମୁଣ୍ତରେ ୨୨.୩୦ ମିଟର ରହିଛି । ଯାହା ସଂପୂର୍ଣ୍ଣ ରୂପେ ବିପଦ ସଙ୍କେତ ତଳେ ।
