କେନ୍ଦୁଝର: ଯାତ୍ରୀ ପ୍ରତୀକ୍ଷାଳୟ ନଥିବାରୁ ଲୋକେ ହନ୍ତସନ୍ତ । କେନ୍ଦୁଝର ଜିଲ୍ଲା ଘଟଗାଁ ବ୍ଲକ ରଘୁନାଥପୁର ଛକ ଏକ ମୁଖ୍ୟ ଛକ। ଘଟଗାଁ- ହରିଚନ୍ଦନପୁର ଭିଆଇପି ରୋଡ଼ ଏବଂ ରଘୁନାଥପୁର- ଢେଙ୍କିକୋଟ ରାସ୍ତା ଏହି ଛକକୁ ସଂଯୋଗ କରୁଛି। ଦୈନନ୍ଦିନ ଏହି ଦୁଇ ରାସ୍ତା ଦେଇ ଛୋଟ ବଡ଼ ହଜାର ହଜାର ଯାନବାହନ ଯାତାୟାତ କରିଥାଏ ।
ଆଖପାଖ ଅଞ୍ଚଳର ଲୋକେ ନିଜର ଗନ୍ତବ୍ୟ ସ୍ଥଳକୁ ଯିବା ପାଇଁ ରଘୁନାଥପୁର ଛକ ଉପରେ ନିର୍ଭର କରିଥାନ୍ତି । ହେଲେ ଯାତ୍ରୀଙ୍କ ସୁବିଧା ପାଇଁ କୌଣସି ବ୍ୟବସ୍ଥା ନାହିଁ । ଏଠାରେ ଥିବା ଯାତ୍ରୀ ପ୍ରତୀକ୍ଷାଳୟ ଜରାଜୀର୍ଣ୍ଣ ହୋଇପଡିଛି । ନୂତନ ଯାତ୍ରୀ ପ୍ରତୀକ୍ଷାଳୟ ନିର୍ମାଣ ପାଇଁ ବହୁବାର ଦାବି ସତ୍ତ୍ୱେ ପଦକ୍ଷେପ ନିଆଯାଉନଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଉଛି ।
