ଭୁବନେଶ୍ୱର : ରାଜ୍ୟରେ ଚିନ୍ତାଜନକ ସ୍ଥିତିରେ ମାନବ ଚାଲାଣ ଘଟଣା । ହ୍ୟୁମାନ ଟ୍ରାଫିକିଂ ଶେଷ ପାଇଁ ଚେଷ୍ଟା ଚାଲିଥିବା ସୂଚନା ଦେଇଛନ୍ତି ପୋଲିସ ଡିଜି ୱାଇ.ବି ଖୁରାନିଆ । ସାମ୍ପ୍ରତିକ ପରିସ୍ଥିତିରେ ମାନବ ଚାଲାଣ କେବଳ ଓଡ଼ିଶା ପାଇଁ ନୁହେଁ, ସାରା ଦେଶ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଓ ଚିନ୍ତାଜନକ । ଆଗାମୀ ଦିନରେ ଓଡିଶାକୁ ମାନବ ଚାଲାଣ ବିରୋଧରେ ଆଦର୍ଶ ରାଜ୍ୟ ଭାବେ ଗଢ଼ି ତୋଳିବାକୁ ଡିଜିପି ଆହ୍ଵାନ ଦେଇଥିଲେ ।
ମାନବ ଚାଲାଣ କେବଳ ଏକ ଅପରାଧ ନୁହେଁ ଏହା ମାନବିକ ଅଧିକାରକୁ ଉଲ୍ଲଂଘନ କରିଥାଏ । ବିଶେଷ କରି ମହିଳା, ଶିଶୁ ଓ ଯୁବବର୍ଗମାନଙ୍କୁ ସେମାନଙ୍କ ସମ୍ମାନ, ସ୍ୱାଧୀନତା ଓ ଭବିଷ୍ୟତରୁ ବଞ୍ଚିତ କରିଥାଏ । ଓଡିଶାରେ ଯୌନ ଶୋଷଣ, ବାଧ୍ୟତାମୂଳକ ଶ୍ରମ, ଘରୋଇ ଶିଶୁ ଶ୍ରମ, ଏବଂ ଚାକିରି କିମ୍ବା ବିବାହର ଆଳରେ ଯୁବତୀମାନଙ୍କ ଚାଲାଣ ଭଳି ମାନବ ଚାଲାଣ ଦେଖିବାକୁ ମିଳିଥାଏ । ଏନେଇ ପୋଲିସ ଭବନରେ ଅନୁଷ୍ଠିତ ମାନବ ଚୋରାଚାଲାଣ ସମ୍ପର୍କିତ ରାଜ୍ୟସ୍ତରୀୟ କର୍ମଶାଳାରେ ବିଚାରବିମର୍ଶ କରାଯାଇଛି । ଭିକ୍ଟିମ କେୟାର, ଇନଭେଷ୍ଟିଗେସନ, ରେସ୍କ୍ୟୁ ଭଳି ୩ଟି ଦିଗକୁ ଗୁରୁତ୍ବ ଦିଆଯାଇଛି ।
