ରାଷ୍ଟ୍ରପତି ଭବନ ପରିସରରେ ରଜପର୍ବ ଆୟୋଜନ ବାତିଲ

ନୂଆଦିଲ୍ଲୀ : ଚଳିତ ୨୦୨୫ରେ ରାଷ୍ଟ୍ରପତି ଭବନ ପରିସରରେ ରଜ ପର୍ବ ଆୟୋଜନ ହେବନାହିଁ। ଅହମ୍ମଦାବାଦ ବିମାନ ଦୁର୍ଘଟଣା ଯୋଗୁଁ ସମଗ୍ର ଦେଶରେ ସୃଷ୍ଟି ହୋଇଥିବା ଶୋକାକୁଳ ପରିବେଶ ଦୃଷ୍ଟିରୁ ରାଷ୍ଟ୍ରପତି ଭବନ ଆସନ୍ତା ରଜପର୍ବ କାର୍ଯ୍ୟକ୍ରମକୁ ବାତିଲ କରିଛନ୍ତି। ପୂର୍ବରୁ ୨୦୨୩ରେ ବାଲେଶ୍ୱର ଜିଲ୍ଲାର ବାହାନଗାଠାରେ ରେଳ ଦୁର୍ଘଟଣା ଯୋଗୁଁ ରଜପର୍ବ ଆୟୋଜନ ବନ୍ଦ ରହିଥିଲା। ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପଦଭାର ଗ୍ରହଣ ପରେ ରାଷ୍ଟ୍ରପତି ଭବନ କଲ୍‌ଚରାଲ ସେଣ୍ଟର ଦ୍ୱାରା ଆୟୋଜିତ ରଜପର୍ବ ସାଂସ୍କୃତିକ କାର୍ଯ୍ୟକ୍ରମରେ ଦିଲ୍ଲୀ ଦରବାରରେ ଓଡ଼ିଆ କଳା ଓ ସଂସ୍କୃତିର ଝଲକ ଦେଖିବାକୁ ମିଳିଥାଏ।