ରସିଦ ଖାନ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ମକା ଭାଜିଥିବାର ଦେଖାଯାଉଛି । କ୍ୟାପସନରେ ସେ ଲେଖିଛନ୍ତି, ମୁଁ ନିଶ୍ଚିତ ଭାବରେ ବର୍ଡର 2 ଦେଖିବି । ରସିଦ ଖାନଙ୍କ ଏହି ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି, ଏଥିସହ୧.୫ ମିଲିୟନରୁ ଅଧିକ ଲାଇକ୍ ହୋଇଛି । ରସିଦ ଖାନ ଜଣେ ଆଫଗାନିସ୍ତାନ କ୍ରିକେଟର, କିନ୍ତୁ ତାଙ୍କର ସୋସିଆଲ ମିଡିଆରେ ପ୍ରବଳ ଫ୍ୟାନ ଫଲୋଇଂ ଅଛି । ଭାରତୀୟ ଫ୍ୟାନ୍ସମାନେ ମଧ୍ୟ ତାଙ୍କୁ ବହୁତ ଭଲ ପାଆନ୍ତି ।
ବିଦେଶୀ ଖେଳାଳିମାନେ ଭାରତ ଏବଂ ପାକିସ୍ତାନ ସହ ଜଡିତ ଫିଲ୍ମ ଉପରେ ବହୁତ କମ୍ ପ୍ରତିକ୍ରିୟା ଦିଅନ୍ତି । ଏପରି ପରିସ୍ଥିତିରେ, ରସିଦ ଖାନଙ୍କ ଏହି ଭିଡିଓ ଯେ ସେ ନିଶ୍ଚିତ ଭାବରେ ଏହି ଫିଲ୍ମ ଦେଖିବେ ବୋଲି କହିଛନ୍ତି, ସୋସିଆଲ ମିଡିଆରେ କ୍ରେଜ୍ ସୃଷ୍ଟି କରୁଛି । ସୂଚନାଯୋଗ୍ୟ “ବର୍ଡର 2” ହେଉଛି ୧୯୯୭ ମସିହାର ସୁପରହିଟ୍ ଫିଲ୍ମ “ବର୍ଡର”ର ସିକ୍ୱେଲ୍ । ପ୍ରଥମ “ବର୍ଡର 2” ଫିଲ୍ମଟି ଭାରତ-ପାକିସ୍ତାନ ଯୁଦ୍ଧ ଉପରେ ଆଧାରିତ ଥିଲା, ଯେଉଁଥିରେ ଦେଶପ୍ରେମ, ସାହସିକତା ଏବଂ ସେନାର ବଳିଦାନ ପ୍ରଦର୍ଶିତ ହୋଇଥିଲା । ବିଶ୍ୱାସ କରାଯାଉଛି ଯେ ଏହି ଫିଲ୍ମରେ ଦେଶପ୍ରେମ ଏବଂ ଭାରତୀୟ ସେନାର ବୀରତ୍ୱ ପ୍ରଦର୍ଶିତ ହେବ । ସନି ଦେଓଲଙ୍କ ବ୍ୟତୀତ ଏଥିରେ ଆହାନ ଶେଟ୍ଟି, ବରୁଣ ଧାୱନ, ଦିଲଜିତ ଦୋସାଞ୍ଜ, ମୋନା ସିଂହ, ସୋନମ ବାଜୱା ଏବଂ ମେଧା ରାଣା ଭଳି କଳାକାର ନଜର ଆସିଛନ୍ତି ।
