ମିସାଇଲ୍ ମାଡ଼ରେ ଭାରତୀୟଙ୍କ ମୃତ୍ୟୁ । ୟୁଏଇର ରାଜଧାନୀ ଆବୁଧାବିରେ ଏକ ବଡ଼ ଧରଣର ମିସାଇଲ୍ ଆକ୍ରମଣ । ଏକ ବାଲିଷ୍ଟିକ ମିସାଇଲକୁ ଆକାଶମାର୍ଗରେ ଧ୍ୱଂସ କରାଯାଇଥିଲା, କିନ୍ତୁ ଏହାର ଭଙ୍ଗା ଅଂଶ ସ୍ୱେହାନ ଷ୍ଟ୍ରିଟ୍ ରେ ପଡ଼ିବାରୁ ଜଣେ ଭାରତୀୟ ଏବଂ ଜଣେ ପାକିସ୍ତାନୀ ନାଗରିକଙ୍କର ମୃତ୍ୟୁ ଘଟିଛି । ୩ ଜଣ ଆହତମାନଙ୍କ ମଧ୍ୟରୁ କାହାର ଅବସ୍ଥା ଗୁରୁତର ଥିବାବେଳେ କାହାର ସାମାନ୍ୟ ରହିଛି ।
ଆବୁଧାବି ମିଡିଆ ଅଫିସ୍ ସୂଚନା ଅନୁସାରେ, ୟୁଏଇର ପ୍ରତିରକ୍ଷା ବାହିନୀ ଶତ୍ରୁପକ୍ଷର ମିସାଇଲକୁ ସଫଳତାର ସହ ଆକାଶରେ ହିଁ ମାରି ଖସାଇ ଦେଇଥିଲା । କିନ୍ତୁ ସେହି ମିସାଇଲର ଖଣ୍ଡଗୁଡ଼ିକ ଜନବସତି ଅଞ୍ଚଳରେ ଖସିପଡ଼ିବାରୁ ଏହି ଦୁର୍ଘଟଣା ଘଟିଛି । ମିସାଇଲ୍ ଅଂଶ ପଡ଼ିବା ଫଳରେ ସେଠାରେ ଥିବା ଅନେକ ଗାଡ଼ି ମଧ୍ୟ ନଷ୍ଟ ହୋଇଛି । ଆବୁଧାବି ମିଡିଆ ଅଫିସ୍ ସୂଚନା ଅନୁସାରେ, ୟୁଏଇର ପ୍ରତିରକ୍ଷା ବାହିନୀ ଶତ୍ରୁପକ୍ଷର ମିସାଇଲକୁ ସଫଳତାର ସହ ଆକାଶରେ ହିଁ ମାରି ଖସାଇ ଦେଇଥିଲା ।
କିନ୍ତୁ ସେହି ମିସାଇଲର ଖଣ୍ଡଗୁଡ଼ିକ ଜନବସତି ଅଞ୍ଚଳରେ ଖସିପଡ଼ିବାରୁ ଏହି ଦୁର୍ଘଟଣା ଘଟିଛି। କୌଣସି ଗୁଜବ ଉପରେ ବିଶ୍ୱାସ ନକରି କେବଳ ସରକାରୀ ସୂଚନାକୁ ଗ୍ରହଣ କରନ୍ତୁ ବୋଲି ୟୁଏଇ ସରକାର ଜନସାଧାରଣଙ୍କୁ ଅନୁରୋଧ କରିଛନ୍ତି । ବର୍ତ୍ତମାନ ଏହି ଘଟଣାର ଅଧିକ ତଦନ୍ତ ଜାରି ରହିଛି ଏବଂ ମୃତକଙ୍କ ପରିବାରକୁ ଜଣାଇବା ପାଇଁ ବ୍ୟବସ୍ଥା କରାଯାଉଛି । ଗତକିଛି ସପ୍ତାହ ଧରି ସେହି ଅଞ୍ଚଳରେ ଚାଲିଥିବା ସଂଘର୍ଷ ଯୋଗୁଁ ଏଭଳି ଆକ୍ରମଣ ବାରମ୍ବାର ହେଉଛି । ଯଦିଓ ୟୁଏଇର ପ୍ରତିରକ୍ଷା ବ୍ୟବସ୍ଥା ଅଧିକାଂଶ ଆକ୍ରମଣକୁ ରୋକିବାରେ ସଫଳ ହେଉଛି ।
