ଆମେରିକା : ୟୁକ୍ରେନକୁ ପୁଣି ଥରେ ଦୋହଲାଇ ଦେଇଛି ରୁଷ । ଗୁରୁବାର ଦିନ ରୁଷ ୟୁକ୍ରେନର ରାଜଧାନୀ କିଭ୍ ସମେତ ଅନେକ ଅଞ୍ଚଳରେ ମିସାଇଲ ଆକ୍ରମଣ କରିଥିବା ଜଣାପଡିଛି । ଏହି ଆକ୍ରମଣର କିଛି ସମୟ ପୂର୍ବରୁ ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନ୍ସକି ଚେତାବନୀ ଦେଇଥିଲେ ।
ରୁଷ ଆକ୍ରମଣ ପୂର୍ବରୁ ଟ୍ବିଟ୍ କରି ୟୁକ୍ରେନୀୟ ରାଷ୍ଟ୍ରପତି ଜେଲେନସ୍କି ଏକ ଚେତାବନୀ ଦେଇଥିଲେ । ସେ କହିଥିଲେ ଯେ, ରୁଷ ଏକ ବଡ଼ ଆକ୍ରମଣ ପାଇଁ ପ୍ରସ୍ତୁତ ହେଉଛି । ବାୟୁସେନା କମାଣ୍ଡର ଆନାତୋଲି କ୍ରିଭୋନୋଝକୋ ମତେ ଏକ ରିପୋର୍ଟ ଦେଇଛନ୍ତି । ରୁଷ କିଛି ଦିନ ପୂର୍ବରୁ ଏକ ବଡ଼ ଆକ୍ରମଣ ପାଇଁ ପ୍ରସ୍ତୁତ ଥିଲା । ଏହା ମୁଖ୍ୟତଃ ଯୁକ୍ତରାଷ୍ଟ୍ର ଏବଂ ସେହି ସହଯୋଗୀମାନଙ୍କ ପାଇଁ ପ୍ରଯୁଜ୍ୟ ଯେଉଁମାନେ ପାଟ୍ରିଅଟ୍ କ୍ଷେପଣାସ୍ତ୍ର ରଖିଛନ୍ତି ଏବଂ ଆମ ସୁରକ୍ଷା ପାଇଁ ସେଗୁଡ଼ିକୁ ଯୋଗାଇ ପାରିବେ । ପ୍ରତ୍ୟେକ ସହଯୋଗୀ ଜାଣନ୍ତି କ’ଣ ଆବଶ୍ୟକ ଏବଂ ବିଳମ୍ବର ପରିଣାମ ବୁଝନ୍ତି । ଦୟାକରି ଆଜି ୟୁକ୍ରେନର ସମସ୍ତ ଅଞ୍ଚଳରେ ବିମାନ ଆକ୍ରମଣ ସତର୍କତା ପ୍ରତି ଧ୍ୟାନ ଦିଅନ୍ତୁ ଏବଂ ସୁରକ୍ଷିତ ରୁହନ୍ତୁ ।
ଅନ୍ୟପଟେ କିଭର ସାମରିକ ପ୍ରଶାସନକୁ ଉଦ୍ଧୃତ କରି ସିଏନଏନ ରିପୋର୍ଟ କରିଛି ଯେ, ଏହି ଆକ୍ରମଣରେ କିଭରେ ଜଣେ ବ୍ୟକ୍ତି ପ୍ରାଣ ହରାଇଛନ୍ତି ।
