ଶୈବପୀଠ ହରିଶଙ୍କରରେ ବାଦଲଫଟା ବର୍ଷା, ଝରଣା ପାଖକୁ ନଯିବାକୁ ବାରଣ କରିଥିଲେ ମନ୍ଦିର କର୍ତ୍ତୃପକ୍ଷ

ପାଟଣାଗଡ଼   : ବଲାଙ୍ଗିର  ଜିଲ୍ଲାର ପ୍ରସିଦ୍ଧ ଶୈବପୀଠ ହରିଶଙ୍କରରେ ବାଦଲ ଫଟା ବର୍ଷା । ଗତକାଲି ସଂଧ୍ୟାରେ ହଠାତ ପ୍ରବଳ ବର୍ଷା ଯୋଗୁଁ ହରିଶଙ୍କରର ପାପନାଶିନୀ ଝରଣାରେ ଅକସ୍ମାତ ବନ୍ୟା ଆସିଥିଲା । ସ୍ଥିତି ଏପରି ହୋଇଥିଲା କି ଝରଣା କୂଳରେ ଥିବା ସୁରକ୍ଷା ବାଡ ଓ ପୋଲ ଉପରେ ବି ପାଣି ଚାଲୁଥିଲା । ପ୍ରବଳ ବର୍ଷା ଯୋଗୁଁ ହଠାତ ଏଭଳି ସ୍ଥିତି ଉପୁଜିଥିବା ବେଳେ, ପର୍ଯ୍ୟଟକ ମାନଙ୍କୁ ଝରଣା ପାଖକୁ ଯିବାକୁ ବାରଣ କରିଥିଲେ ମନ୍ଦିର କର୍ତ୍ତୃପକ୍ଷ । ପୂର୍ବରୁ ମଧ୍ୟ ଗତ ମାସ ହଠାତ ଝରଣା ପାଣି ମାଡ଼ି ଆସିଥିଲା ।