ଭାରତ ତୃତୀୟ ଟି-୨୦ରେ ଜିମ୍ବାୱେକୁ ୩୫ ରନରେ ପରାସ୍ତ କରି ସିରିଜ ୩-୦ ରେ କ୍ଲିପ୍ କରିଛି । ସର୍ବାଧିକ ୧୫୧ ରନ କରିଥିବା ବୈଭବ ସୂର୍ଯ୍ୟବଂଶୀଙ୍କୁ ପ୍ଲେୟାର ଅଫ୍ ଦି ସିରିଜ୍ ଭାବେ ବିବେଚିତ କରାଯାଇଛି । ସେ ଏହି ପୁରସ୍କାର ଜିତିଥିବା ଅନ୍ତର୍ଜାତୀୟ କ୍ରିକେଟରେ ସବୁଠାରୁ କମ୍ ବୟସ୍କ ଖେଳାଳି ହୋଇଛନ୍ତି । ହରାରେରେ ସୂର୍ଯ୍ୟବଂଶୀ ୪୯ ବଲ୍ ରୁ ୮୧ ରନ୍ କରିଥିଲେ । ତାଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ଭାବେ ମଧ୍ୟ ବିବେଚିତ କରାଯାଇଥିଲା । ସୂର୍ଯ୍ୟବଂଶୀ ଏହି ସଫଳତା ହାସଲ କରିବାରେ ସର୍ବକନିଷ୍ଠ ଭାରତୀୟ ଖେଳାଳି ହୋଇ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଥିଲେ । ସୂର୍ଯ୍ୟବଂଶୀ ଚଳିତ ବର୍ଷ ଟି-୨୦ରେ ଭାରତ ପାଇଁ ସର୍ବାଧିକ ୮୬ ଛକା ମାରିଛନ୍ତି ।
ବୈଭବ ଆଫଗାନିସ୍ତାନର ମୁଜୀବ ଉର ରହମାନଙ୍କ ରେକର୍ଡ ଭାଙ୍ଗିଛନ୍ତି । ଯିଏ ୧୬ ବର୍ଷ ୩୨୮ ଦିନ ବୟସରେ ସିରିଜର ଶ୍ରେଷ୍ଠ ଖେଳାଳି ଭାବରେ ବିବେଚିତ ହୋଇଥିଲେ । ସୂର୍ଯ୍ୟବଂଶୀଙ୍କୁ ୧୫ ବର୍ଷ ୧୨୧ ଦିନ ବୟସରେ ‘ପ୍ଲେୟାର ଅଫ୍ ଦି ମ୍ୟାଚ୍’ ଭାବରେ ବିବେଚିତ କରାଯାଇଛି । ସେ ଅନ୍ତର୍ଜାତୀୟ ମ୍ୟାଚ୍ରେ ଏହି ପୁରସ୍କାର ଜିତିଥିବା ସର୍ବକନିଷ୍ଠ ଭାରତୀୟ ଖେଳାଳି ହୋଇଥିବାବେଳେ ସେ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି , ଯିଏ ୧୭ ବର୍ଷ ୧୧୨ ଦିନ ବୟସରେ ଇଂଲଣ୍ଡ ବିପକ୍ଷରେ ଏହି ସଫଳତା ହାସଲ କରିଥିଲେ।
ଏବେ ବୈଭବ ସୂର୍ଯ୍ୟବଂଶୀ ଏହି ସଫଳତା ହାସଲ କରିବାରେ ବିଶ୍ୱର ଦ୍ୱିତୀୟ ଖେଳାଳି ହୋଇଛନ୍ତି ।
