ବୈଦ୍ୟୁତିକ କେଟିଲ ଅତ୍ୟନ୍ତ ଉପଯୋଗୀ ରୋଷେଇ ଉପକରଣ। ଏହା ସମୟ ଏବଂ ଶ୍ରମ ଉଭୟକୁ ସଞ୍ଚୟ କରେ। ସକାଳେ ପାଣି ଗରମ କରିବାଠାରୁ ଆରମ୍ଭ କରି ସୁପ, ଚା କିମ୍ବା କଫି ଶୀଘ୍ର ଫୁଟାଇବା ପାଇଁ ଆମେ ସାଧାରଣତଃ ଏହି କେଟିଲକୁ ବ୍ୟବହାର କରିଥାଉ। ଏହା ଗ୍ୟାସ ଚୁଲା ଅପେକ୍ଷା ଦ୍ରୁତ ଏବଂ ଅଧିକ ସୁବିଧା ଜନକ ଏବଂ ସୁରକ୍ଷିତ ବୋଲି ବିବେଚନା କରାଯାଏ। ତଥାପି ବ୍ୟବହାର କରିବା ସମୟରେ ଯଦି ଆମେ ଟିକିଏ ଅସାବଧାନତା ହେଉ , ତେବେ ବିଦ୍ୟୁତ୍ ଆଘାତ, ପୋଡ଼ିବା କିମ୍ବା ନିଆଁ ଲାଗିବା ଭଳି ଦୁର୍ଘଟଣା ଘଟିପାରେ। ତେଣୁ ଯେକୌଣସି ସମୟରେ କେଟିଲକୁ ସଠିକ୍ ଭାବରେ ବ୍ୟବହାର କରିବା ଏବଂ ଏହାର ଯତ୍ନ ନେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଅଧିକାଂଶ କେଟିଏକୁ ଆମେ ବ୍ୟବହାର କରିବା ପରେ ତାହା ଅଟୋମେଟିକ୍ ବନ୍ଦ ହୋଇଯାଇଥାଏ। ସାଧାରଣତଃ ୩ ପ୍ରକାରର ବୈଦ୍ୟୁତିକ କେଟିଲ ଆମ ଦୈନନ୍ଦିନ ବ୍ୟବହାର ପାଇଁ ଉପଯୋଗୀ। ଯଥା : – ୧- ପ୍ଲାଷ୍ଟିକ୍ ବୈଦ୍ୟୁତିକ କେଟିଲ୍: ହାଲୁକା, ସୁଲଭ, ଏବଂ ଦୈନନ୍ଦିନ ବ୍ୟବହାର ପାଇଁ ଉପଯୁକ୍ତ।
୨- କାଚ ବୈଦ୍ୟୁତିକ କେଟିଲ୍: ବୋରୋସିଲିକେଟ୍ କାଚରେ ତିଆରି, ଅଧିକ ସତର୍କତାର ସହ ବ୍ୟବହାର କରିବା ଆବଶ୍ୟକ।
୩- ଷ୍ଟେନଲେସ୍ ଷ୍ଟିଲ୍ ବୈଦ୍ୟୁତିକ କେଟିଲ୍: ଦୃଢ଼, ସ୍ଥାୟୀ ଏବଂ ଦୀର୍ଘସ୍ଥାୟୀ ବୋଲି ବିବେଚନା କରାଯାଏ।
ସତର୍କତା:
ଆପଣଙ୍କର ନିର୍ଦ୍ଦିଷ୍ଟ ମଡେଲର ବୈଶିଷ୍ଟ୍ୟ ଏବଂ ସୁରକ୍ଷା ନିର୍ଦ୍ଦେଶାବଳୀକୁ ଭଲ ଭାବରେ ପଢନ୍ତୁ।
ସର୍ବଦା କେଟିଲକୁ ଏକ ସମତଳ, ଶୁଷ୍କ, ସ୍ଥିର ପୃଷ୍ଠରେ ରଖନ୍ତୁ।
ପାୱାର କର୍ଡ ଏବଂ ପ୍ଲଗ୍ ଗରମ ପୃଷ୍ଠରୁ ଦୂରରେ ରଖନ୍ତୁ।
ଏକ୍ସଟେନ୍ସନ୍ କର୍ଡ ବ୍ୟବହାର କରନ୍ତୁନାହିଁ।
କେଟିଲକୁ ଅନପ୍ଲଗ୍ କରନ୍ତୁ ଏବଂ ସଫା କରିବା ପୂର୍ବରୁ ଏହାକୁ ଥଣ୍ଡା ହେବାକୁ ଦିଅନ୍ତୁ।
