ସସ୍ମିତା ଦାସ ହତ୍ୟା ଘଟଣାରେ ସୁପାରି କିଲର ଗିରଫ, ବିହାରରୁ ଗିରଫ କଲା ପୋଲିସ

ଜଗତସିଂହପୁର : ଜଗତସିଂହପୁର କାଠିଆପଡ଼ାରେ ନିର୍ବନ୍ଧ ପରେ ସସ୍ମିତା ଦାସ ହତ୍ୟା ଘଟଣାରେ ସୁପାରି କିଲର ଗିରଫ । ବିହାରରୁ ସୁପାରୀ କିଲର ଲଲୁ ଯାଦବ କୁ ଗିରଫ କଲା ପୋଲିସ । ମୃତ ସସ୍ମିତା ଦାସର ପ୍ରେମିକ ସୂର୍ଯ୍ୟକାନ୍ତ ସ୍ୱାଇଁ ମର୍ଡର ପାଇଁ ସୁପାରୀ କିଲର ସହ ଦୁଇ ଲକ୍ଷ ଟଙ୍କାର ଡିଲ କରିଥିଲା ଅଭିଯୁକ୍ତ ପ୍ରେମିକ ସୂର୍ଯ୍ୟକାନ୍ତ ସ୍ବାଇଁ । ଏଥିସହ ୨୦ ହଜାର ଟଙ୍କା ଆଗୁଆ ନେଇଥିଲା ଲଲୁ କୁମାର । ସୁପାରୀ କିଲର ଲଲୁ ଯାଦବ ଜାମସେଦପୁରରେ ଅଟୋ ମୋବାଇଲ ଦୋକାନ ରେ କାମ କରୁଥିଲା । ଗତ ମାସ ୨୦ ତାରିଖରେ କାଠିଆପଡା ଗାଁରେ ସସ୍ମିତା ଦାସଙ୍କୁ ବୀଭତ୍ସ ଭାବେ ହତ୍ୟା କରାଯାଇଥିଲା । ପୋଲିସ ବିଭିନ୍ନ ଦିଗକୁ ନେଇ ତଦନ୍ତ ଆରମ୍ଭ କରିଥିଲା । ଅଭିଯୋଗ ପରେ ୨୪ ଘଣ୍ଟାରେ ପୋଲିସ ଏହି ଘଟଣାରେ ଜମସେଦପୁର ଅଭିଯୁକ୍ତ ପ୍ରେମିକ ସୂର୍ଯ୍ୟକାନ୍ତକୁ ଗିରଫ କରିଥିଲା । ପରେ ତିନୋଟି ଟିମ୍ ଗଠନ କରି ଓଡ଼ିଶା,ବିହାର, ଓ ଝାଡ଼ଖଣ୍ଡ ରେ ତଦନ୍ତ ଚଳାଇ ଥିଲା ପୋଲିସ। ସୁପାରି କିଲରକୁ ଗିରଫ ପରେ ତାକୁ କୋର୍ଟ ଫରୱାର୍ଡ କରାଯାଇଥିବା ସୂଚନା ଦେଇଛନ୍ତି ଜଗତସିଂହପୁର ଏସପି ।