ଆଧୁନିକତାର ଜୀବନ ଶୈଳୀରେ ସମସ୍ତେ ସ୍ଲିମ୍ ରହିବାକୁ ଖୁବ ପସନ୍ଦ କରୁଛନ୍ତି । ଏଥିପାଇଁ ଅନେକ ଜିମ୍ ଯାଇ ଝାଳ ବୁହା ପରିଶ୍ରମ କରିବା ସହ ଡାଏଟରେ ପୁରା ଫୋକସ୍ କରୁଛନ୍ତି । ଏହା ପରେ ବି କିଛି ଜଣ ସନ୍ତୋଷଜନକ ଫଳ ନପାଇ ନିରାଶ ହୋଇଥାନ୍ତି । କିନ୍ତୁ ଯଦି ଠିକ୍ ଉପାୟ ଅବଲମ୍ବନ କରାଯାଏ, ତେବେ ଓଜନ ହ୍ରାସ କରିବା କଷ୍ଟକର ନୁହେଁ । କିଛି ସରଳ ଓ ପ୍ରାକୃତିକ ଉପଚାର ସାହାଯ୍ୟରେ ଘରେ ଆପଣ ଓଜନ ନିୟନ୍ତ୍ରଣ କରିପାରିବେ ।
ଆମେ ଏପରି ଏକ ପାନୀୟ ରେସିପି ସେୟାର କରିବାକୁ ଯାଉଛୁ, ଯାହା ତିଆରି କରିବା ବହୁତ ସହଜ ଏବଂ ଆପଣଙ୍କର ମେଟାବୋଲିଜିମ୍ ବୃଦ୍ଧି କରି ଓଜନ ହ୍ରାସ କରିବାରେ ସାହାଯ୍ୟ କରେ । ଆଣପଙ୍କ ଦିନର ଆରମ୍ଭରେ ପ୍ରତିଦିନ ଏହାକୁ ସେବନ କରିବା ଦ୍ୱାରା, କେବଳ ଓଜନ ହ୍ରାସ ହେବ ନାହିଁ ବରଂ ଶରୀର ହାଲୁକା ଏବଂ ଶକ୍ତିଶାଳୀ ମଧ୍ୟ ଅନୁଭବ ହେବ ।
ଓଜନ ହ୍ରାସ ପାଇଁ ପାନୀୟ ଉପକରଣ
୧ ଗ୍ଲାସ ଉଷୁମ ପାଣି
୧/୨ଲେମ୍ବୁ ରସ
୧ ଚାମଚ କଳା ଗୋଲମରିଚ ପାଉଡର
୧ ଚାମଚ ମହୁ
୧ ଇଞ୍ଚ ଖଣ୍ଡ ଅଦା
ଏହି ପାନୀୟ କିପରି ପ୍ରସ୍ତୁତ କରିବେ
ଯଦି ଆପଣ ଓଜନ ହ୍ରାସ କରିବାକୁ ଚାହୁଁଛନ୍ତି, ତେବେ ଆପଣ ଏହି ପାନୀୟ ଜଳ ବ୍ୟବହାର କରିପାରିବେ । ଆପଣଙ୍କୁ କେବଳ କିଛି ଉପାଦାନ ଆବଶ୍ୟକ ହେବ । ଉଷୁମ ପାଣି ନିଅନ୍ତୁ, ଏଥିରେ ଲେମ୍ବୁ ରସ ଚିପୁଡି ଦିଅନ୍ତୁ, ଛେଚା ହୋଇଥିବା ଅଦା ଏବଂ କଳା ଗୋଲମରିଚକୁ ମିଶାଇ ଦିଅନ୍ତୁ । ଯଦି ଇଚ୍ଚା ହୁଏ, ତେବେ ୧ ଚାମଚ ମହୁ ମିଶାଇ ପାରିବେ । ଏହାକୁ ଭଲ ଭାବରେ ମିଶ୍ରଣ କରି ତୁରନ୍ତ ପିଅନ୍ତୁ । ପ୍ରତିଦିନ ସକାଳେ ଖାଲି ପେଟରେ ପିଇବା ଦ୍ୱାରା ଶରୀରକୁ ଅନେକ ଲାଭ ମିଳିଥାଏ ।
ଏହାର ଲାଭ କଣ ହେବ
ଏହି ପାନୀୟ ଓଜନ ହ୍ରାସ ପାଇଁ ଅତ୍ୟନ୍ତ ଲାଭଦାୟକ । ଲେମ୍ବୁ ପାଣି ଶରୀରରୁ ବିଷାକ୍ତ ପଦାର୍ଥ ବାହାର କରେ ଏବଂ ମେଟାବୋଲିଜିମକୁ ତ୍ୱରାନ୍ୱିତ କରେ, ଯାହା ଦ୍ୱାରା କ୍ୟାଲୋରୀ ଦହନ ବୃଦ୍ଧି ହୁଏ । ଅଦା ପାଚନ ପ୍ରଣାଳୀକୁ ମଜବୁତ କରେ ଏବଂ ଗ୍ୟାସ ଓ ପେଟ ଫୁଲିବା ହ୍ରାସ କରିବାରେ ସାହାଯ୍ୟ କରିଥାଏ । କଳା ଗୋଲମରିଚ ଚର୍ବି କମାଇବାରେ ସାହାଯ୍ୟ କରିବା ସହ ମହୁ ସ୍ୱାଦ ଦେଇଥାଏ । ପ୍ରତିଦିନ ଖାଲି ପେଟରେ ଏହାକୁ ପିଇବା ଦ୍ୱାରା କେବଳ ଓଜନ ହ୍ରାସ କରିବାରେ ସାହାଯ୍ୟ ହୁଏ ନାହିଁ ବରଂ ହାଲୁକାପଣ, ସତେଜ ଏବଂ ରୋଗ ପ୍ରତିରୋଧକ ଶକ୍ତି ମଧ୍ୟ ବୃଦ୍ଧି ହୁଏ ।
