ସିମୁଳିଆ : ଘର କାମ ପାଇଁ ରଖିଥିବା ଟଙ୍କା ଲୁଟିନେଲେ ଦୁର୍ବୃତ୍ତ l ବିଳମ୍ବିତ ରାତିରେ ଗୋଟିଏ ଗାଁରୁ ଦୁଇ ଜଣଙ୍କ ଘରେ ଲୁଟ ଅଭିଯୋଗ । ବାଲେଶ୍ୱର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ଭୁଗୁପୁର ଶାସନରେ ଗତକାଲି ବିଳମ୍ବିତ ରାତିରେ କୃଷ୍ଣ ଚନ୍ଦ୍ର ଉପାଧ୍ୟାୟ ଓ ଚକ୍ରଧର ଉପାଧ୍ୟାୟଙ୍କ ପରିବାର ଶୋଇଥିବା ବେଳେ ଏହି ଲୁଟ୍ ହୋଇଛି । ଦୃବୁର୍ତ୍ତ ମାନେ ତାଙ୍କ ଘରେ ପଶି ଟଙ୍କା ଓ ସୁନାରୁପା ଅଳଙ୍କାର ଲୁଟ କରିଥିବା ନେଇ ଅଭିଯୋଗ ହୋଇଛି l
ସୂଚନାନୁଯାୟୀ, ଗତକାଲି ବିଳମ୍ବିତ ରାତିରେ ଦୁଇଟି ପରିବାର ତାଙ୍କ ଘରେ ଶୋଇଥିବା ଘର ବାହାର ପଟୁ ଦୃବୁର୍ତ୍ତ ତାଲା ପକାଇ ଅନ୍ୟ ଘର ଥିବା ଆଟାଚରୁ ଘର କାମ ପାଇଁ ରଖିଥିବା ୯୫ ହଜାର ଟଙ୍କା ଓ ୧ ଲକ୍ଷ ଟଙ୍କାର ସୁନା ରୁପା ଅଳଙ୍କାର ଲୁଟ କରିଥିଲେ l ସେହିପରି ଅନ୍ୟ ଏକ ଘର ପଶି ଧାନ ବିକ୍ରି କରି ରଖିଥିବା ୪୫ ହଜାର ଟଙ୍କା ଲୁଟ କରି ଫେରାର ହୋଇଯାଇଛନ୍ତି ଦୃବୁର୍ତ୍ତ l ସିମୁଳିଆ ପୋଲିସ ଖବର ପାଇ ତଦନ୍ତ ଆରମ୍ଭ କରିଛନ୍ତି ।
