ନୂଆଦିଲ୍ଲୀ : ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ) ଦ୍ଵାରା ଆୟୋଜିତ କମନ ଇଉନିଭରସିଟି ଏଣ୍ଟ୍ରାନ୍ସ ଟେଷ୍ଟ (ସିୟୁଇଟି) ୟୁଜି ୨୦୨୫ ପରୀକ୍ଷା ପାଇଁ ଆଡମିଟ କାର୍ଡ ଜାରି କରାଯାଇଛି। ୧୩ ମଇରୁ ୧୬ ମଇ ୨୦୨୫ ମଧ୍ୟରେ ଅନୁଷ୍ଠିତ ହେବାକୁ ଥିବା ପରୀକ୍ଷା ପାଇଁ ପରୀକ୍ଷାର୍ଥୀମାନେ ସିୟୁଇଟିର ଅଫିସିଆଲ ଓ୍ଵେବସାଇଟ cuet.nta.nic.in ରୁ ନିଜର ଆଡମିଟ କାର୍ଡ ଡାଉନଲୋଡ କରିପାରିବେ। ୧୬ ମଇ ପରେ ୩ ଜୁନ ୨୦୨୫ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ପରୀକ୍ଷାଗୁଡ଼ିକ ପାଇଁ ଆଡମିଟ କାର୍ଡ ପରେ ଜାରି କରାଯିବ।
ପରୀକ୍ଷାର୍ଥୀମାନେ ନିମ୍ନଲିଖିତ ପ୍ରକ୍ରିୟା ଅନୁସରଣ କରି ଆଡମିଟ କାର୍ଡ ଡାଉନଲୋଡ କରିପାରିବେ:
ସିୟୁଇଟିର ଅଫିସିଆଲ ଓ୍ଵେବସାଇଟ cuet.nta.nic.in କୁ ଯାଆନ୍ତୁ।
ହୋମପେଜରେ ଥିବ “‘Download Admit Card for CUET (UG) – 2025’” ଲିଙ୍କରେ କ୍ଲିକ କରନ୍ତୁ। ଲଗଇନ ପେଜରେ ନିଜର ଆପ୍ଲିକେସନ ନମ୍ବର, ଜନ୍ମ ତାରିଖ ଏବଂ ସୁରକ୍ଷା ପିନ୍ ପ୍ରବେଶ କରନ୍ତୁ।
‘Submit’ ବଟନରେ କ୍ଲିକ କରନ୍ତୁ, ତା’ପରେ ଆଡମିଟ କାର୍ଡ ସ୍କ୍ରିନରେ ଦେଖାଯିବ।
ଆଡମିଟ କାର୍ଡରେ ଥିବା ସମସ୍ତ ତଥ୍ୟ ଯାଞ୍ଚ କରି ଏହାକୁ ଡାଉନଲୋଡ କରନ୍ତୁ ଏବଂ ଏକ ରଙ୍ଗୀନ ପ୍ରିଣ୍ଟଆଉଟ ନିଅନ୍ତୁ।
ସିୟୁଇଟି ୟୁଜି ୨୦୨୫ ଆଡମିଟ କାର୍ଡରେ ନିମ୍ନଲିଖିତ ତଥ୍ୟ ଉଲ୍ଲେଖ ଥାଏ:
ପରୀକ୍ଷାର୍ଥୀଙ୍କ ନାମ, ରୋଲ ନମ୍ବର ଏବଂ ଜନ୍ମ ତାରିଖ
ପରୀକ୍ଷା କେନ୍ଦ୍ରର ଠିକଣା
ପରୀକ୍ଷାର ତାରିଖ, ସମୟ ଓ ସିଫ୍ଟ
ବିଷୟ/ପେପର ଏବଂ ପରୀକ୍ଷା ନିର୍ଦ୍ଦେଶାବଳୀ ପରୀକ୍ଷାର୍ଥୀଙ୍କ ଫୋଟୋ ଓ ସ୍ଵାକ୍ଷର
ପରୀକ୍ଷାର୍ଥୀମାନେ ଆଡମିଟ କାର୍ଡରେ ଥିବା ତଥ୍ୟ ଯାଞ୍ଚ କରିବା ଆବଶ୍ୟକ। ଯଦି କୌଣସି ତ୍ରୁଟି ଥାଏ, ତେବେ ତୁରନ୍ତ ଏନଟିଏ ହେଲ୍ପଲାଇନ ନମ୍ବର ୦୧୧-୪୦୭୫୯୦୦୦ କିମ୍ବା ୦୧୧-୬୯୨୨୭୭୦୦ରେ ଯୋଗାଯୋଗ କରନ୍ତୁ।
ପରୀକ୍ଷା ଦିନରେ ଆବଶ୍ୟକୀୟ ନିର୍ଦ୍ଦେଶାବଳୀ
ଆଡମିଟ କାର୍ଡ ବାଧ୍ୟତାମୂଳକ: ରଙ୍ଗୀନ ପ୍ରିଣ୍ଟଆଉଟ ଆକାରରେ ଆଡମିଟ କାର୍ଡ ନେଇ ପରୀକ୍ଷା କେନ୍ଦ୍ରକୁ ଯିବା ବାଧ୍ୟତାମୂଳକ। ଏହା ବିନା ପରୀକ୍ଷା ହଲରେ ପ୍ରବେଶ ଅନୁମତି ମିଳିବ ନାହିଁ।
ପରିଚୟ ପ୍ରମାଣପତ୍ର: ଆଧାର କାର୍ଡ, ପାନ କାର୍ଡ, ଭୋଟର ଆଇଡି, ଡ୍ରାଇଭିଂ ଲାଇସେନ୍ସ କିମ୍ବା ପାସପୋର୍ଟ ଭଳି ମୂଳ ପରିଚୟ ପ୍ରମାଣପତ୍ର ସାଙ୍ଗରେ ନେଇ ଯାଆନ୍ତୁ।
ସମୟ : ପରୀକ୍ଷା ଆରମ୍ଭ ହେବାର ଅତି କମରେ ୯୦ ମିନିଟ ପୂର୍ବରୁ ପରୀକ୍ଷା କେନ୍ଦ୍ରରେ ପହଞ୍ଚିବାକୁ ପରାମର୍ଶ ଦିଆଯାଇଛି। ଅନ୍ୟାନ୍ୟ
ନିୟମ: ଆଡମିଟ କାର୍ଡରେ ଉଲ୍ଲେଖ ଥିବା ନିର୍ଦ୍ଦେଶାବଳୀ ଏବଂ ସୁରକ୍ଷା ନିୟମାବଳୀ କଡ଼ାକଡ଼ି ପାଳନ କରନ୍ତୁ।
