ହାଇଦ୍ରାବାଦ୍: ତେଲେଙ୍ଗାନା ମୁଖ୍ୟମନ୍ତ୍ରୀ ରେୱନ୍ତ ରେଡ୍ଡୀ କୃଷକମାନଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି। ସେ ୧ ଲକ୍ଷ ଟଙ୍କା ପର୍ଯ୍ୟନ୍ତ କୃଷି ଋଣ ଛାଡ ଘୋଷଣା କରିଛନ୍ତି। ତେଲେଙ୍ଗାନା ସିଏମଓ ପକ୍ଷରୁ କୁହାଯାଇଛି ଯେ କୃଷକମାନେ ନେଇଥିବା ଋଣ ସେମାନଙ୍କୁ ୧୮ ଜୁଲାଇ ୨୦୨୪ ସୁଦ୍ଧା ପ୍ରଦାନ କରାଯିବ ବୋଲି ନିର୍ଦ୍ଦେଶ ଦିଆଯାଇଛି। ସରକାର କହିଛନ୍ତି ଯଦି ବ୍ୟାଙ୍କଗୁଡ଼ିକ ଋଣ ଛାଡ଼ ପାଇଁ ସରକାର ଦେଇଥିବା ଅର୍ଥକୁ ଅନ୍ୟ ଏକ ଆକାଉଣ୍ଟରେ ଜମା କରନ୍ତି ତେବେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହାପୂର୍ବରୁ ତେଲେଙ୍ଗାନା ସରକାର ୨ ଲକ୍ଷ ଟଙ୍କା ପର୍ଯ୍ୟନ୍ତ ଫସଲ ଋଣ ଛାଡ କରିବାକୁ ନିର୍ଦ୍ଦେଶ ଦେଇଥିଲେ।
ରାଜ୍ୟ ସରକାରଙ୍କ ଦ୍ବାରା ଜାରି କରାଯାଇଥିବା ନିର୍ଦ୍ଦେଶାବଳୀ ଅନୁଯାୟୀ କୁହାଯାଇଛି ଯେ ୧୨ ଡିସେମ୍ବର ୨୦୧୮ରେ କିମ୍ବା ପରେ ଦିଆଯାଇଥିବା କୃଷି ଋଣ ଛାଡ କରାଯିବା ଉଚିତ, ଯାହା ୯ ଡିସେମ୍ବର ୨୦୨୩ ସୁଦ୍ଧା ଫେରସ୍ତ କରାଯିବ। ଏହାର ପ୍ରକ୍ରିୟା ଗୁରୁବାର ୧୮ ଜୁଲାଇ ୨୦୨୪ରୁ ଆରମ୍ଭ ହେବ ଏବଂ ୧୫ ଅଗଷ୍ଟ ସୁଦ୍ଧା ଶେଷ ହେବ। ସରକାର କହିଛନ୍ତି ଯେ କୃଷି ପରିବାରକୁ ଚିହ୍ନିବା ପାଇଁ ସାଧାରଣ ଯୋଗାଣ ବିଭାଗର ପିଡିଏସ କାର୍ଡର ଡାଟାବେସ୍ ବ୍ୟବହାର କରାଯିବ। ପରିବାରର ମୁଖିଆ, ତାଙ୍କ ଜୀବନ ସାଥୀ, ପିଲା ଏବଂ ଅନ୍ୟମାନଙ୍କୁ ଅନ୍ତର୍ଭୁକ୍ତ କରାଯିବ। ନିର୍ଦ୍ଦେଶାବଳୀ ଅନୁଯାୟୀ, ଋଣ ଛାଡ ଯୋଜନା କାର୍ଯ୍ୟକାରୀ କରିବା ପାଇଁ ପ୍ରତ୍ୟେକ ବ୍ୟାଙ୍କରେ ଜଣେ ନୋଡାଲ ଅଧିକାରୀ ନିଯୁକ୍ତ ହେବା ଉଚିତ। ନୋଡାଲ ଅଧିକାରୀ ରାଜ୍ୟ କୃଷି ବିଭାଗର ନିର୍ଦ୍ଦେଶକ ଏବଂ ଏନଆଇସି ମଧ୍ୟରେ ସମନ୍ୱୟ ରକ୍ଷାକରି କାର୍ଯ୍ୟ କରିବେ।
