ଅସୁସ୍ଥ ଥିବାରୁ ବ୍ରିଟେନ କାର୍ଯ୍ୟକ୍ରମକୁ ଘୁଞ୍ଚାଇଦେଲେ ଅରିଜିତ, ପ୍ରଶଂସକଙ୍କୁ ମାଗିଲେ କ୍ଷମା

ମୁମ୍ବାଇ: ବଲିଉଡର ଜଣାଶୁଣା ଗାୟକ ଅରିଜିତ ସିଂଙ୍କୁ ଅନେକ ସଂଗୀତପ୍ରେମୀ ଖୁବ ପସନ୍ଦ କରନ୍ତି | ଅରିଜିତ ସିଂ ମଧ୍ୟ ସାରା ଦେଶରେ ଲାଇଭ୍ କନ୍ସର୍ଟ କରନ୍ତି | ସେ ଅନେକ ସମୟରେ ବିଦେଶରେ ଶୋ’କୁ ଯାଆନ୍ତି | ସେ ଅଗଷ୍ଟରେ ଲାଇଭ୍ କନ୍ସର୍ଟ ପାଇଁ ବ୍ରିଟେନ ଯିବାକୁ ଯାଉଥିଲେ କିନ୍ତୁ ବର୍ତ୍ତମାନ ତାଙ୍କର ବ୍ରିଟେନ ଯାତ୍ରା ସ୍ଥଗିତ ରଖାଯାଇଛି। ବ୍ରିଟେନ ଗସ୍ତକୁ ସ୍ଥଗିତ ରଖିବାର କାରଣ ହେଉଛି ଅରିଜିତ ସିଂଙ୍କ ସ୍ୱାସ୍ଥ୍ୟ ସମସ୍ୟା। ସ୍ୱାସ୍ଥ୍ୟ ସମସ୍ୟା ହେତୁ ଅରିଜିତ୍ ତାଙ୍କର ଇଂଲଣ୍ଡ ଗସ୍ତକୁ ସ୍ଥଗିତ ରଖିଛନ୍ତି | ତେବେ ସୋସିଆଲ ମିଡିଆ ଜରିଆରେ ଏହି ଗାୟକ ତାଙ୍କର ସମସ୍ତ ପ୍ରଶଂସକଙ୍କୁ କ୍ଷମା ମାଗିଛନ୍ତି। ଏହା ସହିତ ତାଙ୍କ ବ୍ରିଟେନର କନସର୍ଟର ନୂଆ ତାରିଖ ମଧ୍ୟ ଘୋଷଣା କରାଯାଇଛି | ଅରିଜିତ ସିଂ ସୋସିଆଲ ମିଡିଆରେ ପୋଷ୍ଟ କରିଛନ୍ତି ଯେ ‘ସ୍ୱାସ୍ଥ୍ୟ ସମସ୍ୟା’ କାରଣରୁ ସେ ତାଙ୍କର ବ୍ରିଟେନ ଗସ୍ତକୁ ସ୍ଥଗିତ ରଖିଛନ୍ତି। ଏଥିସହ ସେ ପ୍ରଶଂସକଙ୍କ ନିକଟରେ କ୍ଷମା ପ୍ରାର୍ଥନା କରିଛନ୍ତି। ଯଦିଓ ଗାୟକ ତାଙ୍କ ସହ କ’ଣ ଘଟିଛି ତାହା ଜଣାଇ ନାହାଁନ୍ତି। ବଲିଉଡ ଗାୟକ ଲେଖିଛନ୍ତି, ‘ପ୍ରିୟ ପ୍ରଶଂସକଗଣ, ମୋର ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ମୁଁ ଅଗଷ୍ଟରେ ହେବାକୁ ଥିବା କନସର୍ଟ ସ୍ଥଗିତ ରଖିବାକୁ ବାଧ୍ୟ ହେଉଛି । ଅଧିକନ୍ତୁ, ଅରିଜିତ ମଧ୍ୟ ତାଙ୍କ ପ୍ରଶଂସକଙ୍କ ନିକଟରେ କ୍ଷମା ପ୍ରାର୍ଥନା କରିଛନ୍ତି। ସେ ଲେଖିଛନ୍ତି, ‘ମୁଁ ଜାଣେ ଆପଣ କେତେ ଉତ୍ସାହର ସହିତ ଏହି ସୋ ପାଇଁ ଅପେକ୍ଷା କରିଥିଲେ ଏବଂ ମୁଁ ଆପଣମାନଙ୍କୁ ନିରାଶ କରି କ୍ଷମା ମାଗୁଛି | ଆପଣମାନଙ୍କର ଭଲ ପାଇବା ଏବଂ ସମର୍ଥନ ମୋର ଶକ୍ତି |