ଭୁବନେଶ୍ୱର : ସରକାରୀ ଚାକିରି ଅପେକ୍ଷାରେ ଥିବା ପ୍ରାର୍ଥୀଙ୍କ ପାଇଁ ସୁବର୍ଣ୍ଣ ସୁଯୋଗ । ଇଞ୍ଜିନିୟର ସହିତ ଅନ୍ୟାନ୍ୟ ପଦବୀ ଭର୍ତ୍ତି ପାଇଁ BEL ନୋଟିଫିକେସନ ଜାରି କରିଛି । ମେ ୨୦ରୁ ଜୁନ୍ ୪ ପର୍ଯ୍ୟନ୍ତ ଆବେଦନକାରୀ ଆବେଦନ କରିପାରିବେ ।ଏହାର ପଦବୀ ସଂଖ୍ୟା 28। ଆବେଦନକାରୀଙ୍କ ବୟସ ସୀମା ୩୦ବର୍ଷ ହୋଇଥିବା ଆବଶ୍ୟକ । ଏସସି, ଏସଟି, ଓବିସି ଏବଂ PWD ବର୍ଗର ପ୍ରାର୍ଥୀଙ୍କ ପାଇଁ ବୟସ ସୀମା ଛାଡ କରାଯାଇଛି। ଆବେଦନକାରୀ ଯେକୌଣସି ମାନ୍ୟତାପ୍ରାପ୍ତ ବିଦ୍ୟାଳୟରୁ BE ଏବଂ B.Tech ଡିଗ୍ରୀ ହାସଲ କରିଥିବା ଜରୁରୀ । ମନୋନୀତ ହୋଇଥିବା ପ୍ରାର୍ଥୀଙ୍କ ଦରମା ୪୦,୦୦୦ରୁ ୫୫,୦୦୦ ମଧ୍ୟରେ ଧାର୍ଯ୍ୟ କରାଯାଇଛି ।
ଲିଖିତ ଏବଂ ଇଣ୍ଟରଭ୍ୟୁ ଆଧାରରେ ପ୍ରାର୍ଥୀଙ୍କୁ ଚୟନ କରାଯିବ । ଲିଖିତ ପରୀକ୍ଷାରେ ମନୋନୀତ ହୋଇଥିବା ପ୍ରାର୍ଥୀଙ୍କୁ ଇଣ୍ଟରଭ୍ୟୁ ପାଇଁ ଡକାଯିବ । ମେରିଟ୍ ଲିଷ୍ଟ ଆଧାରରେ ଶେଷ ଚୟନ ପ୍ରକ୍ରିୟାର ସମାପ୍ତ କରାଯିବ । ଇଚ୍ଛୁକ ପ୍ରାର୍ଥୀ ପ୍ରଥମେ BELର ୱେବସାଇଟକୁ ଯାଆନ୍ତୁ । ହୋମ ପେଜରେ ଥିବା Recruitment ସେକ୍ସନ ଉପରେ କ୍ଲିକ୍ କରନ୍ତୁ । ସେଥିରେ ଦିଆଯାଇଥିବା ନିର୍ଦ୍ଦେଶାବଳୀକୁ ଭଲରେ ପଢନ୍ତୁ । ଅନଲାଇନ ଲିଙ୍କ୍ ଉପରେ କ୍ଲିକ୍ କରନ୍ତୁ । ଅଧିକ ବିବରଣୀ ପୂରଣ କରି ଡକ୍ୟୁମେଣ୍ଟକୁ ଅପଲୋଡ କରନ୍ତୁ । ଶେଷରେ ଫର୍ମ ସବମିଟ୍ କରି ଏକ ପ୍ରିଣ୍ଟଆଉଟ କାଢି ସୁରକ୍ଷିତରେ ରଖନ୍ତୁ ।
