Wednesday, July 24, 2024
24.1 C
Odisha

    ଝାଡ଼ଖଣ୍ଡରେ ନୂତନ ସରକାର ଗଠନ ପାଇଁ ଛକାପଞ୍ଝା ଆରମ୍ଭ; ଦୁଇଟି ଚାର୍ଟର୍ଡ ବିମାନରେ ହାଇଦ୍ରାବାଦ ଗଲେ ଜେଏମ୍‌ଏମ୍‌ ବିଧାୟକ

    ଆଗକୁ ପଢନ୍ତୁ

    ନୂଆଦିଲ୍ଲୀ: ଜମି ଦୁର୍ନୀତି ମାମଲାରେ ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ୍‌ ଗିରଫ ହେବାର ଗୋଟିଏ ଦିନ ପରେ ଝାଡ଼ଖଣ୍ଡରେ ନୂତନ ସରକାର ଗଠନ ପାଇଁ ଛକାପଞ୍ଝା ଆରମ୍ଭ ହୋଇଯାଇଛି।ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (ଜେଏମ୍‌ଏମ୍‌) ସୂତ୍ରରୁ ପ୍ରକାଶ ଯେ ନୂତନ ମୁଖ୍ୟମନ୍ତ୍ରୀ ହେବାକୁ ଥିବା ଚମ୍ପାଇ ସୋରେନଙ୍କ ସମର୍ଥନରେ ୪୩ ଜଣ ବିଧାୟକ ଅଛନ୍ତି। ଉଲ୍ଲେଖଯୋଗ୍ୟ, ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ହେମନ୍ତ ସୋରେନଙ୍କୁ ଗିରଫ କରାଯାଇଥିଲା। ତାଙ୍କ ସ୍ଥାନରେ ତାଙ୍କ ଦଳର ଅନୁଗତ ତଥା ରାଜ୍ୟ ପରିବହନ ମନ୍ତ୍ରୀ ଚମ୍ପାଇ ସୋରେନଙ୍କୁ ତାଙ୍କ ଉତ୍ତରାଧିକାରୀ ଭାବେ ମନୋନୀତ କରାଯାଇଥିଲା।

    ସୋରେନଙ୍କ ଇସ୍ତଫା ପରେ ଚମ୍ପାଇ ସୋରେନ କହିଛନ୍ତି ଯେ ସେ ୪୭ ଜଣ ବିଧାୟକଙ୍କ ସମର୍ଥନରେ ଝାଡ଼ଖଣ୍ଡରେ ନୂଆ ସରକାର ଗଠନ ପାଇଁ ଦାବି କରିଛନ୍ତି। ପରେ ସଂସଦୀୟ ବ୍ୟାପାର ମନ୍ତ୍ରୀ ଆଲମଗିର ଆଲାମ କହିଛନ୍ତି, ଆମେ ରାଜ୍ୟପାଳଙ୍କୁ ୪୩ ଜଣ ବିଧାୟକଙ୍କ ସମର୍ଥନ ପତ୍ର ପ୍ରଦାନ କରିଛୁ।ଜେଏମ୍‌ଏମ୍‌ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଚମ୍ପାଇ ସୋରେନଙ୍କ ସମର୍ଥନରେ ଏବେ ୪୩ ଜଣ ବିଧାୟକ ସେମାନଙ୍କ ସହ ଅଛନ୍ତି। ଏପରିସ୍ଥିତିରେ ନୂତନ ସରକାର ଗଠନ ପାଇଁ ବିଧାୟକଙ୍କ ଘୋଡ଼ା ବେପାର ଆଶଙ୍କା ରୋକିବା ପାଇଁ ଜେଏମଏମ ନେତୃତ୍ୱାଧୀନ ମେଣ୍ଟ ବିଧାୟକମାନଙ୍କୁ ଝାଡ଼ଖଣ୍ଡ ବାହାରକୁ ସ୍ଥାନାନ୍ତର କରାଯାଇଛି। ଝାଡ଼ଖଣ୍ଡର ବିଧାୟକମାନଙ୍କୁ ଦୁଇଟି ଚାର୍ଟର୍ଡ ବିମାନରେ ହାଇଦ୍ରାବାଦ ସ୍ଥାନାନ୍ତର କରାଯାଇଛି।

    ନିଷ୍ପତ୍ତି ଅନୁଯାୟୀ ୫ ଜଣ ବିଧାୟକ; ପ୍ରଦୀପ ଯାଦବ, ଚମ୍ପାଇ ସୋରେନ୍‌, ଆଲମଗିର ଆଲାମ, ସତ୍ୟାନନ୍ଦ ଭୋକ୍ତା ଏବଂ ବିନୋଦ ସିଂହ ରାଞ୍ଚିରେ ରହି ସରକାର ଗଠନ ପାଇଁ ରଣନୀତି ପ୍ରସ୍ତୁତ କରୁଛନ୍ତି। ଯଦି ନୂତନ ସରକାର ଗଠନ ପାଇଁ ରାଜ୍ୟପାଳ ମେଣ୍ଟ ବିଧାୟକଙ୍କୁ ସମୟ ନ ଦିଅନ୍ତି ତେବେ ବାକି ନେତାମାନେ ମଧ୍ୟ ହାଇଦ୍ରାବାଦ ଯିବେ।

    ଏହା ପୂର୍ବରୁ ହେମନ୍ତ ସୋରେନ୍‌ ଇଡି ବିରୋଧରେ ଏତଲା ଦାୟର କରିଛନ୍ତି। ଏତଲାରେ ସୋରେନ ଅଭିଯୋଗ କରିଛନ୍ତି ଯେ ତଦନ୍ତକାରୀ ସଂସ୍ଥା ତାଙ୍କୁ ଏବଂ ତାଙ୍କ ସମଗ୍ର ସମ୍ପ୍ରଦାୟକୁ ହଇରାଣ ଏବଂ ବଦନାମ କରିବା ପାଇଁ ଏହି ଚଢ଼ାଉ କରିଛି।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    24.1 ° C
    24.1 °
    24.1 °
    90 %
    5kmh
    100 %
    Wed
    24 °
    Thu
    26 °
    Fri
    25 °
    Sat
    27 °
    Sun
    31 °

    ସମ୍ବନ୍ଧିତ