ବୟସ ବଢିବା ସହିତ ଆମ ଶରୀର ଦୁର୍ବଳ ହେବାକୁ ଲାଗେ । ଏପରି ପରିସ୍ଥିତିରେ, ଆପଣ ନିଜ ଖାଦ୍ୟରେ କିଛି ହେଲଦି ଏବଂ ପୁଷ୍ଟିକର ଜିନିଷ ଅନ୍ତର୍ଭୂକ୍ତ କରିବା ଜରୁରୀ । ୩୫ ବର୍ଷ ପରେ ଶରୀର ଅଧିକ ପୁଷ୍ଟିକର ଖାଦ୍ୟ ଯେପରିକି ଭିଟାମିନ୍, ମିନେରାଲ୍ସ, ହେଲଦି ଫ୍ୟାଟ ଏବଂ ପ୍ରୋଟିନ୍ ଆବଶ୍ୟକ କରେ । ଅନେକ ଥର ଆମେ ନିଜ କାମ ଏବଂ ଦାୟିତ୍ୱ ହେତୁ, ନିଜର ସ୍ୱାସ୍ଥ୍ୟକୁ ଅଣଦେଖା କରୁ ।
ଯେଉଁ କାରଣରୁ ରୋଗ ବଢିବାରେ ଲାଗେ ଏବଂ ଶରୀର ଦୁର୍ବଳ ହେବାକୁ ଲାଗିଥାଏ । ଯଦି ଆପଣ ମଧ୍ୟ ଦୁର୍ବଳତା, ଥକ୍କା ଏବଂ ଶରୀରରେ ଶକ୍ତିର ଅଭାବ ଅନୁଭବ କରୁଛନ୍ତି, ତେବେ ଆପଣଙ୍କୁ ଆପଣଙ୍କର ଖାଦ୍ୟର ବିଶେଷ ଯତ୍ନ ନେବା ଆବଶ୍ୟକ । ବୟସ ବଢିବା ସହିତ ଆପଣ ନିଜ ଖାଦ୍ୟରେ କେଉଁ ଜିନିଷଗୁଡ଼ିକୁ ଅନ୍ତର୍ଭୁକ୍ତ କରିବା ଉଚିତ୍ ତାହା ବିଷୟରେ ଆସନ୍ତୁ ଜାଣିବା?
ଡ୍ରାଏ ଫ୍ରୁଟ୍ସ- ସୁସ୍ଥ ରହିବାକୁ, ଡ୍ରାଏ ଫ୍ରୁଟ୍ସକୁ ଆପଣଙ୍କ ଖାଦ୍ୟର ଏକ ଅଂଶ କରନ୍ତୁ । ଡ୍ରାଏ ଫ୍ରୁଟ୍ସ ଖାଇବା ଦ୍ୱାରା ଶରୀରକୁ ଶକ୍ତି ମିଳିଥାଏ ଏବଂ ଏହା ଅତ୍ୟାବଶ୍ୟକ ପୋଷକ ତତ୍ତ୍ୱର ଅଭାବକୁ ପୂରଣ କରିଥାଏ । ଆପଣ ପ୍ରତିଦିନ ବାଦାମ, ଅଖରୋଟ, କିସମିସ୍, ଅଞ୍ଜିର ଏବଂ ପିସ୍ତା ଭଳି କିଛି ଡ୍ରାଏ ଫ୍ରୁଟ୍ସ ଖାଇବା ଉଚିତ୍ । ଏହା ଶରୀରକୁ ହେଲଦି ଫ୍ୟାଟ ଏବଂ ଭିଟାମିନ୍ ଯୋଗାଇଥାଏ ।
ଦୁଗ୍ଧ ଏବଂ ଦୁଗ୍ଧଜାତ ଦ୍ରବ୍ୟ- ବୟସ ବଢିବା ସହିତ ଶରୀରରେ କ୍ୟାଲସିୟମ ଏବଂ ପ୍ରୋଟିନର ଅଭାବ ଦେଖାଯାଏ । ଡାଏଟ୍ ମାଧ୍ୟମରେ ଆପଣ ଏହି ଅଭାବକୁ ବହୁ ପରିମାଣରେ ଦୂର କରିପାରିବେ । କ୍ୟାଲସିୟମ ଅଭାବ ହାଡ, ଦାନ୍ତ, ହୃଦୟ ଏବଂ ମସ୍ତିଷ୍କର ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ । ମାଂସପେଶୀ ବୃଦ୍ଧି ଏବଂ ରକ୍ତ ଗଠନ ପାଇଁ ଆମ ଶରୀରକୁ ପ୍ରୋଟିନ୍ ଆବଶ୍ୟକ । ଏଥିପାଇଁ ଖାଦ୍ୟରେ କ୍ଷୀର, ପନିର, ଦହି, ଚିଜ ଏବଂ ଦୁଗ୍ଧଜାତ ଦ୍ରବ୍ୟ ଅନ୍ତର୍ଭୁକ୍ତ କରନ୍ତୁ । ଏହା ସହିତ ଶରୀର ଭିଟାମିନ୍ ଡି ଏବଂ ଭିଟାମିନ୍ ବି 12 ମଧ୍ୟ ପାଇଥାଏ ।
ମଖାନା- ଆପଣ ନିଶ୍ଚିତ ଭାବରେ ମଖାନାକୁ ନିଜ ଖାଦ୍ୟରେ ଅନ୍ତର୍ଭୁକ୍ତ କରନ୍ତୁ । ମଖାନା ଖାଇବା ଦ୍ୱାରା ଶରୀରରେ କ୍ୟାଲସିୟମ ଅଭାବକୁ ପୂରଣ କରାଯାଇପାରେ । ଏହା ବ୍ୟତୀତ, ମଖାନା ଏକ ହାଇ ଫାଇବର ଫୁଡ୍ ଯାହା ଆପଣଙ୍କ ପେଟ ଏବଂ ହଜମ ପ୍ରକ୍ରିୟାକୁ ସୁସ୍ଥ ରଖେ । ମଖାନା ଖାଇବା ଦ୍ୱାରା ଶରୀରକୁ ଶକ୍ତି ମଧ୍ୟ ମିଳିଥାଏ । ତେଣୁ ଆପଣ ଏହାକୁ ନିଜର ଡାଏଟରେ ଅନ୍ତର୍ଭୂକ୍ତ କରିବା ଅତ୍ୟନ୍ତ ଜରୁରୀ ।
ଫଳ ଏବଂ ସବୁଜ ପନିପରିବା: ପ୍ରତିଦିନ ସକାଳ ଜଳଖିଆରେ ୧ କିମ୍ବା ୨ଟି ଫଳ ଅନ୍ତର୍ଭୂକ୍ତ କରନ୍ତୁ । ଫଳ ଖାଇବା ଦ୍ୱାରା ଶରୀର ସହଜରେ ଭିଟାମିନ୍ ଏବଂ ମିନେରାଲ୍ସ ପାଇଥାଏ । ଏହା ପେଟ ଏବଂ ହଜମ ପ୍ରକ୍ରିୟାକୁ ମଜବୁତ କରିଥାଏ । ଫାଇବରରେ ଭରପୂର ଫଳ ଓଜନକୁ ମଧ୍ୟ ନିୟନ୍ତ୍ରଣରେ ରଖେ । ତେଣୁ, ଆପଣ ନିଜ ସକାଳ ଜଳଖିଆରେ କିଛି ଫଳ ଅନ୍ତର୍ଭୁକ୍ତ କରନ୍ତୁ ।
ଓଟସ୍-ଦଲିଆ- ଶରୀରକୁ ସୁସ୍ଥ ରଖିବା ଏବଂ ଦିନସାରା ଏନର୍ଜି ବଜାୟ ରଖିବା ପାଇଁ ସକାଳେ ଦଲିଆ କିମ୍ବା ଓଟସ୍ ଖାଆନ୍ତୁ । ଓଟସ୍ ଏବଂ ଦଲିଆ ହେଉଛି ହାଇ ଫାଇବର ଡାଏଟ୍ ଯାହା ପେଟକୁ ସହଜରେ ଭରିଦିଏ ଏବଂ ଓଜନକୁ ନିୟନ୍ତ୍ରଣରେ ରଖେ । କ୍ଷୀର ସହିତ ଓଟସ୍ ଏବଂ ଦଲିଆ ଶରୀରକୁ ଶକ୍ତି ମଧ୍ୟ ଦେଇଥାଏ ।
ଆପଣ ପ୍ରତିଦିନ ଏହିସବୁ ଖାଦ୍ୟ ନିଜ ଡାଏଟରେ ଅନ୍ତର୍ଭୂକ୍ତ କରି ନିଜ ଶରୀରକୁ ହେଲଦି ଏବଂ ନିରୋଗ ରଖିପାରିବେ ।
