Wednesday, July 24, 2024
25 C
Odisha

    ISRO ଲେଖିଲା ଆଉ ଏକ ଇତିହାସ: ହେଲୋ ଅର୍ବିଟର ପ୍ରଥମ ରାଉଣ୍ଡ ପୂରଣ କଲା Aaditya L1

    ଆଗକୁ ପଢନ୍ତୁ

    ନୂଆଦିଲ୍ଲୀ: ଭାରତର ଅନ୍ତରୀକ୍ଷ ଏଜେନ୍ସି ବା ଇସ୍ରୋ ଆଉ ଏକ ସଫଳତା ହାସଲ କରିଛି । ଦେଶର ପ୍ରଥମ ସୋଲାର ମିଶନ୍ Aaditya L1 ସୂର୍ଯ୍ୟ ଏବଂ ପୃଥିବୀ ମଧ୍ୟସ୍ଥ ଏଲ୧ ଲେଙ୍ଗ୍ରେଜିୟନ୍ ବିନ୍ଦୁ ବା ହେଲୋ ଅର୍ବିଟର ଚାରି ପାଖରେ ପ୍ରଥମ ରାଉଣ୍ଡ ପୂରଣ କରିଛି । ଗତବର୍ଷ ସେପ୍ଟେମ୍ବର ୨ ତାରିଖରେ ଏହାକୁ ଲଞ୍ଚ କରା ଯାଇଥିବା ବେଳେ ଚଳିତବର୍ଷ ଜାନୁୟାରୀ ୬ ତାରିଖରେ ଏହାକୁ ହେଲୋ ଅର୍ବିଟରେ ସ୍ଥାପନା କରା ଯାଇଥିଲା । ଏହାସହିତ Aaditya L1 ଜଟିଳ ପ୍ରକ୍ଷେପ ପଥକୁ ନିରନ୍ତର ରଖିବା କ୍ଷମତାକୁ ସଫଳତାର ସହ ପ୍ରତିପାଦନ କରିଛି ।
    ସୂର୍ଯ୍ୟର ଅଧ୍ୟୟନ କରିବା ପାଇଁ ଡିଜାଇନ୍ ହୋଇଥିବା ଅନ୍ତରୀକ୍ଷ ଯାନ Aaditya L1 ମିଶନକୁ L1 ବିନ୍ଦୁର ୪ ପାଖରେ ଏକ ଚକ୍କର ପୂରଣ କରିବାରେ ପ୍ରାୟ ୧୭୮ ଦିନ ସମୟ ଲାଗିଥାଏ । ଇସ୍ରୋ କହିଛି ଯେ, ଏହି ସ୍ଥାନରେ ଅନ୍ତରୀକ୍ଷା ଯାନକୁ ବିଭିନ୍ନ ବାଧାବିଘ୍ନର ସମ୍ମୁଖୀନ ହେବାକୁ ପଡ଼ିଥାଏ । ଫଳରେ ଅନ୍ତରୀକ୍ଷ ଯାନ ନିଜ ଲକ୍ଷ୍ୟଭ୍ରଷ୍ଟ ହୋଇଯାଏ, କିନ୍ତୁ ଏହିସବୁ ସମସ୍ୟାକୁ ସାମନା କରିବା ପାଇଁ ମିଶନ୍ ଆରମ୍ଭ ହେବା ପରେ ୩ ଥର ଷ୍ଟେସନ କିପିଙ୍ଗ ଯୁଦ୍ଧଭ୍ୟାସ କରିଥିବା କହିଛି ଇସ୍ରୋ । ପ୍ରଥମ ୨ଟି ଯୁଦ୍ଧାଭ୍ୟାସ ଚଳିତବର୍ଷର ଫେବୃଆରୀ ୨୨ ଏବଂ ଜୁନ୍ ୭ ତାରିଖରେ ହୋଇଥିଲା । ତେବେ ଆଜି ଏଥିରେ ଏକ ଗୁରୁତ୍ୱପୂର୍ଣ୍ଣ ମୋଡ଼ ଦେଖିବାକୁ ମିଳିଛି । ଏହାଦ୍ୱାରା ଅନ୍ତରୀକ୍ଷ ଯାନର L1 ପାଖରେ ନିଜ ଦ୍ୱିତୀୟ ଅର୍ବିଟକୁ ନେଇ ସ୍ପଷ୍ଟତା ମିଳିପାରିଛି ।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    25 ° C
    25 °
    25 °
    90 %
    2.7kmh
    100 %
    Wed
    27 °
    Thu
    25 °
    Fri
    25 °
    Sat
    27 °
    Sun
    31 °

    ସମ୍ବନ୍ଧିତ