ରାସ୍ତା କଡ଼ରୁ କଟାଯାଇ ପାରିବ ନାହିଁ ଗଛ: ହାଇକୋର୍ଟ

ରାସ୍ତା କଡ଼ରେ କୌଣସି ଗଛ କଟାଯିବ ନାହିଁ ବୋଲି କେରଳ ହାଇକୋର୍ଟ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଅଦାଲତ କହିଛନ୍ତି ଯେ ଗଛଗୁଡିକ କ୍ଷତିଗ୍ରସ୍ତ ଅବସ୍ଥାରେ ଥିଲେ ହିଁ କଟାଯାଇପାରିବ ଏବଂ ଯଦି ଲୋକଙ୍କ ସୁରକ୍ଷା ପ୍ରତି ବିପଦ ଥିବ ତେବେ ଏଡା କଟାଯାଇ ପାରିବ। ଜଷ୍ଟିସ ପି.ଭି କୁହ୍ନିକ୍ରିଷ୍ଣନ କହିଛନ୍ତି ଯେ ସରକାରୀ ଜମିରେ ବଢୁଥିବା ବୃକ୍ଷ କାଟିବା ଏବଂ ବିସର୍ଜନ ନିୟମାବଳୀ ସମ୍ବନ୍ଧରେ ୨୦୧୦ ସରକାରଙ୍କ ନିର୍ଦ୍ଦେଶ ଅନୁଯାୟୀ ଗଠିତ କମିଟି ଏହି ନିଷ୍ପତ୍ତି ନେବା ଉଚିତ। କୋର୍ଟ କହିଛନ୍ତି ଯେ, ଏପରି ନିଷ୍ପତ୍ତି ବିନା କୌଣସି ରାସ୍ତା କଡ଼ରେ ଥିବା ଗଛକୁ କର୍ତ୍ତୃପକ୍ଷ କାଟିବେ ନାହିଁ କିମ୍ବା ଅପସାରଣ କରିବେ ନାହିଁ। କେରଳ ସରକାର ଏଥିପ୍ରତି ଦୃଷ୍ଟି ଦେବା ଉଚିତ ଯେ କୌଣସି ବୈଧ କାରଣ ବିନା ରାସ୍ତା କଡ଼ରେ ଥିବା ଗଛ କାଟିବା ଏବଂ ହଟାଇବା ପାଇଁ କୌଣସି ଅନୁରୋଧ ଅନୁମତିପ୍ରାପ୍ତ ନୁହେଁ। ବୃକ୍ଷଗୁଡ଼ିକ ପକ୍ଷୀ ଏବଂ ପଶୁମାନଙ୍କୁ ଶୀତଳ ଛାୟା, ଶୁଦ୍ଧ ଅମ୍ଳଜାନ ଏବଂ ଆଶ୍ରୟ ପ୍ରଦାନ କରନ୍ତି। ଜଙ୍ଗଲ ବିଭାଗର ନିଷ୍ପତ୍ତିକୁ ଚ୍ୟାଲେଞ୍ଜ କରାଯାଇଥିବା ଆବେଦନକୁ ପ୍ରତ୍ୟାଖ୍ୟାନ କରିବାବେଳେ କୋର୍ଟ ଏହି ନିଷ୍ପତ୍ତି ଦେଇଛନ୍ତି। ପାଲକ୍କଡ-ପୋନାନି ରୋଡରେ ବାଣିଜି୍ୟକ ସମ୍ପତ୍ତି ଦୃଶ୍ୟରେ ବାଧା ସୃଷ୍ଟି କରୁଥିବା ଗଛ କାଟିବା ପାଇଁ ବନ ବିଭାଗ ଆବେଦନକୁ ପ୍ରତ୍ୟାଖ୍ୟାନ କରିଥିବାବେଳେ ଜନ ସମ୍ପର୍କ ବିଭାଗ ମଧ୍ୟ ଏଥିପାଇଁ ଅନୁମତି ଦେଇଥିଲା।