ଚଳିତ ଜାତୀୟ ମହିଳା ଦିନିକିଆ କ୍ରିକେଟ୍ ପ୍ରତିଯୋଗିତାରେ ଓଡ଼ିଶା ସୋମବାର ଚତୁର୍ଥ ବିଜୟ ପାଇଛି। ହ୍ୟାଟ୍ରିକ୍ ବିଜୟ ପରେ ଗତ ମ୍ୟାଚ୍ରେ ମୁମ୍ବାଇଠୁ ହାରିଥିବା ଓଡ଼ିଶା ପୁଣି ଥରେ ଲୟକୁ ଫେରିଛି। ଅହମଦାବାଦରେ ସୋମବାର ଖେଳାଯାଇଥିବା ମ୍ୟାଚ୍ରେ ସୁଶ୍ରୀ ଦିବ୍ୟଦର୍ଶିନୀ ଓ ଜାନକୀ ରେଡ୍ଡୀଙ୍କ ଅଲ୍ରାଉଣ୍ଡ ପ୍ରଦର୍ଶନ ବଳରେ ଓଡ଼ିଶା ୫୬ ରନ୍ରେ ହାଇଦ୍ରାବାଦକୁ ମାତ୍ ଦେଇଛି। ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଓଡ଼ିଶା ୮ ୱିକେଟ୍ ହରାଇ ୧୯୯ ରନ୍ କରିଥିଲା। ଓଡ଼ିଶା ଅଧିନାୟିକା ସୁଶ୍ରୀ (୫୭, ୮୬ ବଲ୍, ୪ ଚୌକା) ଅର୍ଦ୍ଧଶତକ ଅର୍ଜନ କରିଥିଲା ବେଳେ ଜାନକୀ ରେଡ୍ଡୀ ୪୨ ଓ ମାଧୁରୀ ମେହେଟ୍ଟା ୨୩ ରନ୍ର ଉପଯୋଗୀ ପାଳି ଖେଳିଥିଲେ। ଜବାବରେ ହାଇଦ୍ରାବାଦ ୪୩.୨ ଓଭରରେ ୧୪୩ ରନ୍ରେ ଅଟକି ଯାଇଥିଲା। ଓଡ଼ିଶା ପକ୍ଷରୁ ଜାନକୀ ରେଡ୍ଡୀ ୩ ଏବଂ ଜ୍ୟୋତି କୁମାରୀ ପ୍ରସାଦ ଓ ସୁଶ୍ରୀ ୨ ଲେଖାଏଁ ୱିକେଟ୍ ନେଇଛନ୍ତି।
Mo Odisha
“Mo Odisha” is one of the well known News Websites in Odisha. Mo Odisha is a news portal functioning since 2006 and appreciated by thousand of viewers. This news portal is a part of Pabitrainfotech with media partners: – E-Halchal, Ollywood Diary, Odisha market, Pabitra Entertainment, Namaskar Odisha, and Odisha Radio.
Subscribe
© Mo Odisha. All Rights Reserved. Powered By Suryanandan.net