ଦୀପାବଳି ପରେ ହୋଇପାରେ ରାଜ୍ୟ ମନ୍ତ୍ରିମଣ୍ଡଳର ସମ୍ପ୍ରସାରଣ

ଭୁବନେଶ୍ୱର : ଦୀପାବଳି ପରେ ହେବ କି ରାଜ୍ୟ ମନ୍ତ୍ରିମଣ୍ଡଳର ସମ୍ପ୍ରସାରଣ । ଏନେଇ ଆରମ୍ଭ ହୋଇଯାଇଛି ଚର୍ଚ୍ଚା । ଏବେ ଅନେକ ଜିଲ୍ଲାକୁ ମନ୍ତ୍ରୀପଦ ମିଳିନାହିଁ । ଅନେକ ବରିଷ୍ଠ ନେତା ମଧ୍ୟ ମନ୍ତ୍ରିମଣ୍ଡଳରେ ସାମିଲ ହେବାକୁ ଅପେକ୍ଷାରେ ରହିଛନ୍ତି । ସେହିପରି ମୁଖ୍ୟମନ୍ତ୍ରୀଙ୍କ ସମେତ ଅନେକ ମନ୍ତ୍ରୀଙ୍କ ପାଖରେ ଦୁଇରୁ ଅଧିକ ବିଭାଗ ରହିଛି । ଏସବୁ ଉପରେ ବିଚାରବିମର୍ଶ କରି ମନ୍ତ୍ରିମଣ୍ଡଳ ସମ୍ପ୍ରସାରଣର ବ୍ଲପ୍ରିଣ୍ଟ ପ୍ରସ୍ତୁତ କରାଯାଇଥିବା କୁହାଯାଉଛି । ଏବେ କେବଳ ଗ୍ରୀନ ସିଗନାଲକୁ ଅପେକ୍ଷା ରହିଛି ।